កាលពីពេលកន្លងទៅ មានករណីជនសង្ស័យម្នាក់បានក្លែងបន្លំជាអាវុធហត្ថ ដើរប្រមូលលុយតាមកន្លែងម៉ាស្សាកោសជប់ ត្រូវបានកម្លាំងអាវុធហត្ថរាជធានីភ្នំពេញ ឃាត់ខ្លួនបញ្ជូនទៅតុលាការចាត់ការតាមនីតិវិធីច្បាប់ កាលពី ថ្ងៃទី០៣ ខែមីនា ឆ្នាំ២០២៣ ហើយក្រោយមកនៅថ្ងៃទី០៥ ខែឧសភា ឆ្នាំ២០២៣ មានជនស៊ីវិល០២នាក់ ជិះម៉ូតូ ០១គ្រឿង គ្រឿងម៉ាក ណៃហត ដោយមានម្នាក់ដោះអាវ និងម្នាក់ទៀតស្លៀកខោខ្លី បានធ្វើការចុះឃាត់និងឆែកឆេរពលរដ្ឋ រកគ្រឿងញៀន នៅតាមដងផ្លូវ ដោយតាំងខ្លួនជាសមត្ថកិច្ច ថែមទាំងថ្លើមធំហ៊ានក្លែងរហូតដល់ លើកស្លាកមូលដ្ឋានកងរាជអាវុធហត្ថរាជធានីភ្នំពេញ នៅផ្ទះរបស់ខ្លួនទៀតផង ត្រូវបានកម្លាំងអាវុធហត្ថរាជធានីភ្នំពេញ ស្រាវជ្រាវរហូតឃាត់ខ្លួនបានបក្សពួកម្នាក់ បញ្ជូនទៅតុលាការចាត់ការតាមនីតិវិធីច្បាប់ កាលពីថ្ងៃទី០៦ ខែឧសភា ឆ្នាំ ២០២៣។ ករណីថ្មីទៀត មានជនសង្ស័យម្នាក់ទៀត មិនត្រឹមតែក្លែងបន្លំជាសមត្ថកិច្ចអាវុធហត្ថ ប៉ុណ្ណោះទេ ថែមទាំងក្លែងជានគរបាលផង និងមេធាវី ថែមទៀតផង ដើម្បីឆបោកប្រាក់ពីជនរងគ្រោះ ជាអាជីព តាមរយៈបណ្តាញសង្គម តេឡេក្រាម និងហ្វេសបុក ត្រូវបាន កម្លាំងការិយាល័យប្រឆាំងបទល្មើស ព្រហ្មទណ្ឌកងរាជអាវុធហត្ថរាជធានីភ្នំពេញ សហការជាមួយ កម្លាំងជំនាញមូលដ្ឋានអាវុធហត្ថខណ្ឌបឹងកេងកង និងកម្លាំងជំនាញអាវុធហត្ថខណ្ឌទួលគោក ចុះឃាត់ខ្លួនជាក់ស្តែង កាលពីថ្ងៃទី២៥ ខែកញ្ញា ឆ្នាំ២០២៣ […]
ព័ត៌មានសន្តិសុខសង្គម
ពិតជាសាហាវណាស់ បុរសម្នាក់ ស្រវឹងស្រា វាយដុំប្រពន្ធនិងស្បែកជើងហើយយកដើមចេកវ៉ៃ ថែមរហូតដល់បាត់បង់ជីវិត
( ឧត្តរមានជ័យ) មានហេតុការណ៍ដ៏រន្ធត់មួយបង្កឡើងដោយបុរសម្នាក់ ស្រវឹងស្រា បានប្រើហិង្សា លើប្រពន្ធរហូតដល់ស្លាប់ ដែលហេតុការណ៍នេះ បានកើតឡើង នៅផ្លូវលេខ៩ក្នុងភូមិអភិវឌ្ឍន៍ សង្កាត់អូស្មាច់ ក្រុងសំរោង ខេត្តឧត្តរមានជ័យ វេលាម៉ោងប្រមាណជា១២ថ្ងៃត្រង់ ថ្ងៃទី២៧ខែកញ្ញាឆ្នាំ២០២៣។ បើតាមសាក្សីនៅកន្លែងកើតហេតុឈ្មោះសុខម៉ាចភេទស្រីអាយុ៦៣ឆ្នាំបានឲ្យដឹងថា ជានិច្ចកាលគាត់តែងតែឃើញពីរនាក់ប្តីប្រពន្ធនេះឈ្លោះគ្នា តែរហូតលុះដល់ថ្ងៃកើតហេតុ គាត់បានឃើញបុរសជាប្តីស្រវឹងស្រាទាំងព្រឹកហើយក៏បានធ្វើសកម្មភាពយកស្បែកជើងវៃក្បាលទៅលើប្រពន្ធ ហើយក្រោយមកទៀតក៏យកដើមចេកវាយថែមរហូតដល់បាត់បង់ជីវិតតែម្ដង។ សាក្សីដដែលបានបញ្ជាក់ប្រាប់នៅរសៀលថ្ងៃទី២៧ខែកញ្ញាឆ្នាំ២០២៣ថា បុរសជាប្តីដែលវាយលើប្រពន្ធមានឈ្មោះញ៉ែមសារ៉ុម ភេទប្រុសអាយុ៦៩ឆ្នាំ ចំណែកប្រពន្ធដែលស្លាប់នោះមានឈ្មោះយឿនសៅភេទស្រីអាយុ៥៨ឆ្នាំរស់នៅភូមិអភិវឌ្ឍន៏ សង្កាត់អូរស្មាច់ ក្រុងសំរោង ខេត្តឧត្តរមានជ័យ។ បើតាមការឲ្យដឹង ពីលោកអ៊ុជប៊ុនអ៊ុយនាយប៉ុស្តិ៏សង្កាត់អូរស្មាច់បានដឹងថា ក្រោយទទួលបានព័ត៌មានពីប្រជាពលរដ្ឋមកថា មានករណីមនុស្សស្លាប់នៅចំណុចខាងលើគឺភ្លាមនោះលោកដឹកនាំកម្លាំងនគរបាលប៉ុស្តិ៍បានចុះទៅពិនិត្យកន្លែងកើតហេតុនិងធ្វើការឃាត់ខ្លួនបុរសជាប្តីដែលវាយប្រពន្ធបណ្ដាលឲ្យស្លាប់នោះ នាំយកទៅប៉ុស្តិ៍ភ្លាមៗផងដែរ តែមិនទាន់អាចសាកសួរបុរសជាប្តីបាននៅឡើយទេព្រោះគាត់នៅស្ថានភាពស្រវឹង។ ជុំវិញករណីរឿងប្តីវាយប្រពន្ធស្លាប់នៅត្រង់ចំពុចខាងលើនេះដែរ លោកវរសេនីយ៍ឯកហមភិរម្យ បានប្រាប់ឲ្យដឹងនៅ រសៀលនេះថា ពាក់ព័ន្ធទៅនឹងករណីខាងលើនេះ ពុំទាន់ទទួលបានច្បាស់ថាជាករណីឃាតកម្មនៅឡើយទេ ដោយលោកទទួលបានចម្លើយពីសាច់ញាតិដែលនៅនឹងកន្លែងកើតហេតុក៏ដូចជាបងប្អូនអ្នកជិតខាងបានប្រាប់ថាស្ត្រីខាងលើ មានជំងឺបេះដូងប្រចាំកាយផងដែរ ហើយជាក់ស្តែងនៅល្ងាចថ្ងៃដដែលនេះសូមផ្តល់ជាពត៌មានបឋមសិនដោយរង់ចាំការធ្វើកោសល្យវិច័យពីសំណាក់មន្ត្រីជំនាញនិងក្រុមគ្រូពេទ្យរួចរាល់ទើបលោកអាចបញ្ជាក់ឲ្យច្បាស់បានថាករណីនេះគឺពិតជាបាន ស្លាប់ដោយប្តីវាយឬក៏យ៉ាងណាឲ្យពិតប្រាកដ។ សូមជម្រាបផងដែរថាបើតាមការអះអាងពីបងប្អូនប្រជាពលរដ្ឋឈ្មោះម៉ាចបានលើកឡើងថាបុរសខាងលើតែងតែរកប្រពន្ធជាប្រចាំថ្ងៃ ដូចបានឃើញជាក់ស្ដែងអ៊ីចឹងនៅថ្ងៃកើតហេតុនេះផ្ទាល់គាត់បាន ឃើញបុរសឈ្មោះសារ៉ុមវាយប្រពន្ធនិងស្បែកជើងហើយនិងយកដើមចេកវ៉ៃដាក់ថែមរហូតដក់ដាច់ខ្យល់ស្លាប់តែម្តងភ្លាមៗនោះគាត់ក៏បានទៅជួយលើកនិងរឹតអន្ទ្រូងក៏ប៉ុន្តែវាយឺតពេលបាត់ទៅហើយ។ដោយ៖ ឈឹម កុសល
គ្រោះថ្នាក់ចរាចរណ៍ រវាងឡានដឹកដែកមួយគ្រឿង បុកជាមួយម៉ូតូមួយគ្រឿង បណ្ដាលឲ្យបុរសម្នាក់ស្លាប់បានបង់ជីវិត នៅនឹងកន្លែងកើតហេតុ
ខេត្តតាកែវ : រសៀលថ្ងៃទី២៧ ខែកញ្ញា ឆ្នាំ២០២៣ មានគ្រោះថ្នាក់ចរាចរណ៍មួយបានកើតឡើងរវាងរថយន្តV1ដឹកដែកមួយគ្រឿងបុកជាមួយនឹងម៉ូតូសង់ នៅលើដងផ្លូវជាតិលេខ២ស្ថិតនៅលើស្ពានព្រៃសណ្ដែក ភូមិព្រៃសណ្ដែក ស្រុកទ្រាំង ខេត្តតាកែវ បើកបរស្របទិសគ្នាពីត្បូងមកជើង បុកចំពីក្រោយបណ្ដាលឲ្យបុរសម្នាក់ស្លាប់បានបង់ជីវិតនៅនឹងកន្លែងកើតហេតុ។ ចំណែកតៃកុងរថយន្ត បើកបរត្រូវបានកម្លាំងសមត្ថកិច្ចនៃអធិការដ្ឋាននគរបាលស្រុកទ្រាំងដេញប្រផាប់ចាប់ប្រភីងបានចំនួន៣នាក់។ បើតាមការរៀបរាប់ឲ្យដឹងពីប្រពន្ធថា បុរសដែលបានស្លាប់បាត់បង់ជីវិតរស់នៅភូមិរការជន្លុង ឃុំវិហារសួគ៌ ស្រុកខ្សាច់កណ្ដាល ខេត្តកណ្ដាល បច្ចុប្បន្នមកប្រកបរបររកស៊ីលក់ត្រប៉ែ ស្នាក់នៅផ្ទះជួលនៅ ភូមិគោកញ័រ ឃុំព្រៃស្លឹក ស្រុកទ្រាំង ខេត្តតាកែវ ៕
គណៈបញ្ជាការឯកភាពខណ្ឌដូនពេញ បង្ក្រាបទីតាំងបើកហាងកាហ្វេ បង្កប់សេវាកម្ម;ផ្លូវ;ភេទ ៣ទីតាំង ឃាត់ជនសង្ស័យ១២នាក់
ភ្នំពេញ ៖ នៅថ្ងៃទី២២ ខែកញ្ញា ឆ្នាំ២០២៣ កម្លាំងនៃអធិការដ្ឋាននគរបាលខណ្ឌដូនពេញ ដឹកនាំដោយលោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ សហការជាមួយកម្លាំងគណៈបញ្ជាការឯកភាពខណ្ឌដូនពេញ ដឹកនាំដោយលោក ចាប ឌីណា អភិបាលរង នៃគណៈអភិបាលខណ្ឌដូនពេញ បានចុះរដ្ឋបាលពិនិត្យទីតាំងតាមហាងកាហ្វេ បង្កប់សេវាកម្ម;ផ្លូវ;ភេទ នៅចំណុចម្តុំផែថ្ម ចំនួន៣ទីតាំង ដោយឃាត់ខ្លួនជនសង្ស័យចំនួន១២នាក់។ គោលដៅទី១៖ ទីតាំងបើកហាងកាហ្វេ ផ្លូវ៨២ ផ្ទះ១ ភូមិ១៤ សង្កាត់ស្រះចក បានឃាត់ខ្លួនជនសង្ស័យ ចំនួន០៥នាក់ (ស្រី៤) ក្នុងនោះ ម្ចាស់ទីតាំង១នាក់ នារីបំរើ ៣នាក់និងអ្នកទួលសេវាកម្ម;ផ្លូវ;ភេទ ១នាក់។ គោលដៅទី២៖ ផ្លូវ៨០ ផ្ទះលេខ២៣E០ ភូមិ១៤ សង្កាត់ស្រះចក ឃាត់ខ្លួនជនសង្ស័យ ចំនួន២នាក់នារី ជាអ្នកបំរើសេវាកម្ម;ផ្លូវ;ភេទ។ គោលដៅទី៣៖ ផ្ទះលេខ១៣E០ ផ្លូវព្រះស៊ីសុវត្ថិ ភូមិ១៥ សង្កាត់ស្រះចក បានឃាត់ខ្លួនជនសង្ស័យចំនួន៥នាក់ (ស្រី៤) ក្នុងនោះមានអ្នកអនាម័យម្នាក់ អ្នកយាមម៉ូតូម្នាក់ និងនារីបំរើការសេវាកម្ម;ផ្លូវ;ភេទ ចំនួន៣នាក់។ វត្ថុតាងចាប់យករួមមាន៖ […]
សមត្ថកិច្ចនគរបាលឃាត់ខ្លួនជនសង្ស័យ០៥នាក់ក្នុងករណីបើកបរក្រោមឥទ្ធិពលនៃគ្រឿងញៀន
បាត់ដំបង ៖ នៅថ្ងៃទី២១ ខែកញ្ញា ឆ្នាំ២០២៣ វេលាម៉ោង២១និង៣០នាទី ត្រង់ចំណុចភូមិអង់ សង្កាត់អូរចារ ក្រុងបាត់ដំបង ខេត្តបាត់ដំបង ដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់របស់លោកវសេនីយ៍ឯក សុខ និមល ស្នងការរងផែនការងារប្រឆាំងគ្រឿងញៀន កំលាំងការិយាល័យប្រឆាំងគ្រឿងញៀន កំលាំងការិយាល័យនគរបាលចរាចរណ៍ផ្លូវគោក និងកំលាំងអធិការដ្ឋាននគរបាលក្រុងបាត់ដំបង នៃស្នងការដ្ឋានីនគរបាលខេត្តបាត់ដំបង សហការជាមួយកំលាំងកងរាជអាវុធហត្ថខេត្តបាត់ដំបង បានចុះត្រួតពិនិត្យតាមដងផ្លូវ បង្ក្រាបបានករណីបើកបរក្រោមឥទ្ធិពលនៃគ្រឿងញៀន ០១ករណី ក្នុងបទល្មើសជាក់ស្ដែង។ សមត្ថកិច្ចឃាត់ខ្លួនជនសង្ស័យបានចំនួន ០៥នាក់ ១.ឈ្មោះ វង្ស គីមឡា ភេទប្រុស អាយុ៣៧ឆ្នាំ មានទីលំនៅភូមិអញ្ចាញ សង្កាត់អូរចារ ក្រុងបាត់ដំបង បាត់ដំបង, ២.ឈ្មោះ ប៉ោយ សីហា ភេទប្រុស អាយុ២២ឆ្នាំ មានទីលំនៅភូមិដូនបា ឃុំព្រះដូនបា ស្រុកគាស់ក្រឡ ខេត្ត ខេត្តបាត់ដំបង, ៣.ឈ្មោះ ញឹម ណារ័ត្ន ភេទប្រុស អាយុ២៣ឆ្នាំ មានទីលំនៅភូមិកាប់គោថ្មី សង្កាត់អូរចារ […]
ព្រោះតែគំនុំចាស់បុរសម្នាក់យកកាំភ្លេីងខ្យល់បាញ់ទៅលើជនរងគ្រោះ០២នាក់និងធាក់បំផ្លាញទ្រព្យសម្បត្តិ ចុងក្រោយត្រូវសមត្ថកិច្ចឃាត់ខ្លួន
(បាត់ដំបង) កម្លាំងនៃអធិការដ្ឋាននគរបាលស្រុកសង្កែ សហការជាមួយកម្លាំងប៉ុស្តិ៍នគរបាលរដ្ឋបាលវត្តតាមិម បានធ្វេីការបង្ក្រាបឃាត់ខ្លួនជនសង្ស័យម្នាក់ក្នុងករណីហិង្សាដោយចេតនាមានស្ថានទម្ងន់ទោសដោយយកកាំភ្លេីងខ្យល់កែឆ្នៃបាញ់ទៅលើជនរងគ្រោះ០២នាក់និងធាក់បំផ្លាញទ្រព្យសម្បត្តិខូចខាតអស់ជាច្រើនផងដែរ។ លោកវរសេនីយ៍ទោ យុត តុងហូ អធិការនគរបាលស្រុកសង្កែ បានអោយដឹងថា កិច្ចប្រតិបត្តិការចុះឃាត់ខ្លួនករណីខាងលើនេះធ្វើឡើងនៅវេលាម៉ោង ១៩និង៣០នាទី ថ្ងៃទី២២ ខែកញ្ញា ឆ្នាំ២០២៣ នៅចំណុចក្រុមទី០៥ ភូមិអូរស្រឡៅ ឃុំវត្តតាមិម ស្រុកសង្កែ ខេត្តបាត់ដំបង ក្រោយពីទទួលបានបណ្តឹងផ្ទាល់មាត់ពីជនរងគ្រោះថាមានករណីហិង្សាដោយចេតនាមានស្ថានទម្ងន់ទោសដែលបង្កឡើងដោយជនសង្ស័យម្នាក់។ លោកអធិការបានបញ្ជាក់បន្តថា ជនសង្ស័យត្រូវបានឃាត់ខ្លួនឈ្មោះ ឆាយ បញ្ញា ភេទប្រុស អាយុ២៨ឆ្នាំ មានទីលំនៅភូមិអូរស្រឡៅ ឃុំវត្តតាមិម ស្រុកសង្កែ ខេត្តបាត់ដំបង បានធ្វេីសកម្មភាពដោយយកកាំភ្លេីងខ្យល់កែឆ្នៃបាញ់ទៅលេីជនរងគ្រោះចំនួន០២នាក់ ដែលម្នាក់.ឈ្មោះ អឿ ជន ភេទស្រី អាយុ៥៣ឆ្នាំ មានទីលំនៅចំណុចកេីតហេតុខាងលេី រងរបួសសាច់ដុំដៃមួយកន្លែង ហេីមជាំ និងម្នាក់ទៀតឈ្មោះ រួម ចំរេីន ភេទស្រី អាយុ២៦ឆ្នាំ មានទីនៅចំណុចកេីតហេតុខាងលេី របួសកដៃខាងឆ្វេងមួយកន្លែងបែកហូរឈាម និងធ្វេីអោយខូចខាតទ្រព្យសម្បត្តិក្នុងផ្ទះរបស់ជនរងគ្រោះរួមមាន៖ -ទូរទឹកកកចំនួន០១ ,ទូរសំលៀកបំពាក់ចំនួន០១ និងកញ្ចក់ឆ្លុះមុខចំនួន០១ ខូចខាតទាំងស្រុង។ ក្រោយពីឃាត់ខ្លួនជនសង្ស័យខាងលើ ត្រូវបានកម្លាំងជំនាញកំពុងកសាងសំណុំរឿងដើម្បីបញ្ជូនទៅកាន់ការិយាល័យជំនាញចាត់ការតាមនីតិវិធីច្បាប់៕ភ្នំខៀវ សន្
ឃាត់ខ្លួនជនសង្ស័យម្នាក់ ពាក់ព័ន្ធករណីជូញដូរនិងប្រេីប្រាស់គ្រឿងញៀន
ខេត្តតាកែវ៖ ជនសង្ស័យម្នាក់ត្រូវបានកម្លាំងសមត្ថកិច្ចធ្វេីការឃាត់ខ្លួនជាប់ពាក់ព័ន្ធករណីប្រេីប្រាស់និងជូញដូរគ្រឿងញៀន។ ឃាត់ខ្លូននេះបានធ្វេីឡេីងកាលពី ថ្ងៃទី២០ ខែកញ្ញា ឆ្នាំ២០២៣ នៅភូមិសំរ៉ង ឃុំត្រពាំងធំខាងជើង ស្រុកត្រាំកក់ ខេត្តតាកែវ។ សមត្ថកិច្ចបានឱ្យដឹងថា ដោយមានបទបញ្ជារយ៉ាងមើងម៉ាត់របស់លោកឧត្តមសេនីយ៍ទោ ឈាង ផាន់ណារ៉ា ស្នងការនគរបាលខេត្តតាកែវ និងមានការសម្របសម្រួលពីលោក ឯក ឆេងហ៊ួត ព្រះរាជអាជ្ញាអមសាលាដំបូងខេត្តតាកែវ កម្លាំងជំនាញអធិការដ្ឋាននគរបាលស្រុកត្រាំកក់ដែលដឹកនាំដោយលោកវរសេនីយ៍ឯក ឌុក ធីយ៉ា អធិការនគរបាលស្រុកត្រាំកក់ សហការជាមួយប៉ុស្តិ៍នគរបាលរដ្ឋបាល ត្រពាំងធំខាងជើង បានល្បាតតាមគោលដៅសំខាន់ៗ លុះមកដល់ចំនុចផ្លូវលំ ស្ថិតក្នុងភូមិសំរ៉ង ឃុំត្រពាំងធំខាងជើង ស្រុកត្រាំកក់ ដោយមានការសង្ស័យកម្លាំងសមត្ថកិច្ចយើងក៏បានធ្វើការឃាត់ខ្លួនជនសង្ស័យចំនួន០១នាក់ : ឈ្មោះ ឡេង ឡី ភេទប្រុស អាយុ ៤៤ឆ្នាំ នៅភូមិសំរ៉ង ឃុំត្រពាំងធំខាងជើង ស្រុកត្រាំកក់ ខេត្តតាកែវ នឹងបានធ្វើការឆែកឆេរក៏ប្រទះឃើញមានម្សៅក្រាមពណ៏សថ្លាសង្ស័យថាជាសារធាតុញៀនចំនួន០៦កញ្ចប់(០៤កញ្ចប់ធំ ០២កញ្ចប់តូច) ជញ្ជីងថ្លឹងថ្នាំញៀន ០១គ្រឿង ទូរស័ព្ទ ០១គ្រឿង ម៉ូតូ០១គ្រឿង និងសម្ភារៈប្រើប្រាស់សម្រាប់ជក់មួយចំនួន ភ្លាមនោះសមត្ថកិច្ចក៏ធ្វើការឃាត់ខ្លួនជនសង្ស័យរួចក៏បញ្ជូនជនសង្ស័យរួមនិងវត្ថុតាងមកអធិការដ្ឋាននគរបាលស្រុកត្រាំកក់ដើម្បីកសាងសំណុំរឿងតាមនីតិវិធី ៕
អាវុធហត្ថរាជធានីភ្នំពេញ តែងតែត្រៀមនូវមធ្យោបាយសម្ភារ បំពេញបេសកកម្មជាប់ជាប្រចាំ!
ជានិច្ចកាល អាវុធហត្ថរាជធានីភ្នំពេញ តែងតែម្ចាស់ការទទួលខុសត្រូវ ត្រៀមលក្ខណៈជាស្រេចទាំងកម្លាំងប្រតិបត្តិការ មធ្យោបាយ សម្ភារ ដើម្បីទុកប្រើប្រាស់ពេលមានហេតុការចាំបាច់ជាយថាហេតុផ្សេងៗ ក៏ដូចជាចេញបំពេញបេសកកម្មតាមបទបញ្ជាថ្នាក់លើ។ ជាក់ស្តែងនៅព្រឹកថ្ងៃទី២០ ខែកញ្ញា ឆ្នាំ២០២៣ នេះ ឃើញថាអាវុធហត្ថរាជធានីភ្នំពេញ បានបន្តចេញរថយន្តដឹកជញ្ជូន និង រថយន្តបម្រើប្រតិបត្តិការ របស់ខ្លួន រត់លើផ្លូវ ដូចសព្វមួយដង ដើម្បីត្រួតពិនិត្យលក្ខណៈបច្ចេកទេស រឺដាស់ម៉ាស៊ីន សាកអាគុយ និង ពង្រឹងដៃចង្កូត ជាច្រើនគ្រឿង ប្រកបដោយសណ្តាប់ធ្នាប់៕
ជនសង្ស័យម្នាក់ ក្នុងចំណោមបក្សពួកចំនួន០៣នាក់ ដែលសកម្មភាពឆក់ទូរស័ព្ទដៃ តារាសម្តែងស្រី នៅខណ្ឌបឹងកេងកង ត្រូវបានកំម្លាំងជំនាញ ស្រាវជ្រាវឃាត់ខ្លួន
ដោយអនុវត្តតាមបទបញ្ជាពីឯកឧត្តម ឧត្តមសេនីយ៍ទោ ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី១៨ ខែកញ្ញា ឆ្នាំ២០២៣ វេលាម៉ោង១៥:៣០នាទី កំម្លាំងជំនាញ នៃអធិការដ្ឋាននគរបាលខណ្ឌបឹងកេងកង ដឹកនាំដោយលោកវរសេនីយ៍ទោ វុឌ្ឍ ផូសារវ័ន្ត អធិការនគរបាលខណ្ឌបឹងកេងកង បានធ្វើការស្រាវជ្រាវឃាត់ខ្លួនជនសង្ស័យម្នាក់ ក្នុងចំណោមបក្សពួកចំនួន០៣នាក់ នៅចំណុចផ្ទះគ្មានលេខ ផ្លូវលំ ភូមិចោមចៅ សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ ជនសង្ស័យឈ្មោះ ចាន់ សុខពៅ ហៅ ពៅម៉ាប់ ភេទប្រុស ជនជាតិខ្មែរ ទីលំនៅផ្ទះគ្មានលេខ ផ្លូវលំ ភូមិចោមចៅ សង្កាត់ចោមចៅ២ ខណ្ឌពោធិ៍សែនជ័យ មុខរបរ មិនពិតប្រាកដ (មានសារញៀន) ប្រព្រឹត្តល្មើសនៅចំណុចSKY ម៉ាស្សា ផ្លូវលេខ៣១០ ភូមិ១ សង្កាត់បឹងកេងកងទី២ ខណ្ឌបឹងកេងកង កាលពីថ្ងៃទី១៥ ខែកញ្ញា ឆ្នាំ២០២៣។ វត្ថុតាងចាប់យក៖ ផ្លាកលេខម៉ូតូ០១សន្លឹង (ភ្នំពេញ ១KG-3260), មួកសុវត្ថិភាព ពណ៌ស […]
ជនសង្ស័យ២នាក់ សមត្ថកិច្ចស្រាវជ្រាវតាមបក្ខពួក បន្ទាប់ពីលួចកាច់ ក ម៉ូតូនៅផ្ទះសំណាក់មួយកន្លែង ហើយទៅដេកនៅផ្ទះសំណាក់មួយកន្លែងទៀត បង្កឱ្យមានការភ្ញាក់ផ្អើល
ភ្នំពេញ ៖ កាលពី ថ្ងៃទី១៧ ខែកញ្ញា ឆ្នាំ២០២៣ នៅផ្ទះ សំណាក់ភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។ ម៉ូតូជនសង្ស័យលួចម៉ាកឌ្រីមសង់ ពណ៌ខ្មៅ ស៊េរីឆ្នាំ២០២៣ ពាក់ស្លាកលេខ កំពង់ធំ 1S-9945។ ជនសង្ស័យទី១-ឈ្មោះ សៀង រ៉ា ភេទប្រុស អាយុ១៧ឆ្នាំ មុខរបរកម្មកររោងចក្រ ស្នាក់នៅផ្ទះជួលក្នុងភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ រាជធានី ភ្នំពេញ មានស្រុកកំណើតនៅភូមិឃុំអង្គទ្រីត ស្រុកស្វាយអន្ទរ ខេត្តព្រៃវែង ។ ទី២-ឈ្មោះ ធូ ទិត្យ ភេទប្រុស អាយុ១៨ឆ្នាំ មុខរបរកម្មករ រោងចក្រ ស្នាក់នៅផ្ទះជួល ភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ មានស្រុកកំណើត ភូមិអំពិល ឃុំអំពិល ស្រុកកំពង់សៀម ខេត្តកំពង់ចាម ។ នៅមុនពេលកើតហេតុ ជនរងគ្រោះ២នាក់ស្រីប្រុសបាននាំគ្នា ទៅដេកផ្ទះសំណាក់នៅភូមិព្រៃសាលា សង្កាត់កាកាបទី២ ខណ្ឌពោធិ៍សែនជ័យ […]