ព័ត៌មានសន្តិសុខសង្គម

នៅថ្ងៃទី០៧ ខែកុម្ភៈ ឆ្នាំ២០២៤ កម្លាំងប៉ុស្តិ៍នគរបាលរដ្ឋបាលច្បារអំពៅ២ បានស្រាវជ្រាវឃាត់ខ្លួនជនសង្ស័យម្នាក់ ក្នុងចំណោមបក្ខពួកចំនួន០៧នាក់ ពាក់ព័ន្ធករណីហិង្សាដោយចេតនា ប្រព្រឹត្តល្មើសនៅចំណុចមុខផ្ទះគ្មានលេខ ភូមិដើមស្លែង១ សង្កាត់ច្បារអំពៅ២ ខណ្ឌច្បារអំពៅ កាលពីថ្ងៃទី០៥ ខែកុម្ភៈ ឆ្នាំ២០២៤។ ជនសង្ស័យឈ្មោះ ជា ទិត្យ ភេទ ប្រុស ជនជាតិខ្មែរ មុខរបរ ជាងសាក់រូប ស្នាក់នៅភូមិដើមស្លែង១ សង្កាត់ច្បារអំពៅ២។ បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្តោះអាសន្ន ដើម្បីចាត់ការតាមនីតិវិធី៕

ខេត្តព្រៃវែង៖ នៅយប់ថ្ងៃទី៥ ខែកុម្ភៈ ឆ្នាំ២០២៤ ស្នងការដ្ឋាននគរបាលខេត្តព្រៃវែង បានបញ្ជាក់ឱ្យដឹងថា កម្លាំងអន្តរាគមន៍ នៃស្នងការដ្ឋាននគរបាលខេត្តព្រៃវែង ចុះស្រាវជ្រាវបង្ក្រាបបទល្មើសល្បែងស៊ីសងខុសច្បាប់ (ប្រជល់មាន់លើដី) នៅស្រុកស៊ីធរកណ្ដាល ឃាត់ខ្លួនមនុស្ស ៥នាក់ រួមនិងវត្ថុតាងមាន់ជល់ និងឧបករណ៍សម្ភារៈជាច្រើន បញ្ជូនមកស្នងការដ្ឋានគរបាលខេត្តព្រៃវែង ។ ប្រតិបត្តិការចុះបង្ក្រាបល្បែងស៊ីសងខុសច្បាប់នេះ ធ្វើឡើងនៅ ថ្ងៃទី ០៤ ខែ កុម្ភៈ ឆ្នាំ ២០២៤ ស្ថិតនៅចំណុចចម្ការស្វាយមួយកន្លែង ស្ថិតនៅភូមិស្វាយសាក់ ឃុំពោធិ៍ទី ស្រុកស៊ីធរកណ្ដាល ខេត្តព្រៃវែង។ ជនសង្ស័យទាំង ០៥នាក់ ដែលត្រូវបានឃាត់ខ្លួន រួមមាន ៖ ទី១ មានឈ្មោះ វិន មករា ភេទប្រុស អាយុ ៤២ឆ្នាំ រស់នៅភូមិស្វាយសាក់ ឃុំពោធិ៍ទី ស្រុកស៊ីធរកណ្ដាល, ។ ទី២ ឈ្មោះ ឈិន ហ៊ាញ ភេទប្រុស អាយុ ៥៨ឆ្នាំ អ្នកទាំងពីររស់នៅភូមិស្វាយសាក់ ឃុំពោធិ៍ទី […]

បាត់ដំបង! អគ្គីភ័យមួយបានឆាបឆេះព្រៃមួយកន្លែងដោយមិនដឹងមូលហេតុ បង្កការភ្ញាក់ផ្អើលដល់ប្រជាពលរដ្ឋនិងសមត្ថកិច្ចចេញអន្តរាគមន៍ពន្លត់នៅវេលាម៉ោង ១១និង១០នាទី ថ្ងៃទី០៥ ខែកុម្ភៈ  ឆ្នាំ២០២៤ នៅចំណុចចំការម៉ៃសាក់ ស្ថិតក្នុងភូមិសំបួរមាស ឃុំស្នឹង ស្រុកបាណន់ ខេត្តបាត់ដំបង ។ ករណីអគ្គីភ័យឆាបឆេះព្រៃខាងលើនេះដែរសមត្ថកិច្ចនៅមិនទាន់ដឹងមូលហេតុពិតប្រាកដនោះទេ ហើយបន្ទាប់ពីទទួលបានព័ត៌មាន កំលាំងប៉ុស្តិ៍និងអាជ្ញាធរមូលដ្ឋានបានដឹកនាំកម្លាំងប្រជាការពារនិងអនុភូមិសំបួរមាស ចេញទៅជួយអន្តរាគមន៍ពន្លត់ បន្ទាប់មកសមត្ថកិច្ចបានចេញរថយន្តអគ្គីភ័យ០១គ្រឿងចុះជួយបន្ថែមដោយប្រើប្រាស់ទឹកអស់ចំនួន០២រថយន្តទើបរលត់ជាស្ថាព។ សមត្ថកិច្ចបានបញ្ជាក់ថា នៅក្នុងហេតុការណ៍គ្រោះអគ្គីភ័យខាងលើនេះដែរគឺមិនបណ្តាលអោយមានគ្រោះថ្នាក់ដល់មនុស្សឬសត្វឡើយ៕

លទ្ធផលការអនុវត្តរឹត​បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល ក្រោមការអនុវត្តតាមបទបញ្ជាផ្ទាល់ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅយប់ថ្ងៃទី០៤ ខែកុម្ភៈ ឆ្នាំ២០២៤ តាមបណ្តាអធិការដ្ឋាននគរបាលខណ្ឌ បានចុះអនុវត្តរឹត​បន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុលដូចខាងក្រោម៖ ឃាត់យានយន្តល្មើស ចំនួន៧៨គ្រឿង (រថយន្ត ចំនួន៣២គ្រឿង, ម៉ូតូ ចំនួន៤៦គ្រឿង) ១. ល្មើសជាតិស្រវឹង ចំនួន៤៥គ្រឿង +កម្រិត ០.២៥ – ០.៣៩ mg/L ចំនួន១៣គ្រឿង -អ្នកបើកបរម៉ូតូ ចំនួន៥នាក់ -អ្នកបើកបររថយន្ត ចំនួន៨នាក់ +កម្រិត ០.៤០ mg/L ឡើង ចំនួន៣២គ្រឿង -អ្នកបើកបរម៉ូតូ ចំនួន១៧នាក់ -អ្នកបើកបររថយន្ត ចំនួន១៥នាក់ ២. បទល្មើសផ្សេងៗ ចំនួន៣៣គ្រឿង -អត់មួកសុវត្ថិភាព ចំនួន២៤គ្រឿង -រថយន្តគ្មានប័ណ្ណបើកបរ […]

ក្រចេះ៖ ប្រជាពលរដ្ឋរស់នៅក្នុងភូមិត្រពាំងឈូក ឃុំឃ្សឹម ស្រុកស្នួល ខេត្តក្រចេះ នៅព្រឹកថ្ងៃទី០២ ខែកុម្ភៈ ឆ្នាំ២០២៤ នេះមិនមានវត្តមានចូលរួមមកជាមួយ លោកចាងហ្វាង អង្គភាពសារព័ត៌មានម្នាក់ និងក្រុមបក្ខពួក ឈ្មោះ ភួង រ៉ា នៅក្រសួងព័ត៌មាន នោះទេ ខណៈដែលប្រជាពលរដ្ឋកំពុងរស់នៅលើដីនិងអាស្រ័យផលពិតប្រាកដ ដោយពួកគាត់បានដឹងថា លោកចាងហ្វាង អង្គភាពសារព័ត៌មានម្នាក់នេះ និងក្រុមជនខិលខូចឈ្មោះ ភួង រ៉ា ដោយកន្លងមកយកពួកគាត់ធ្វើជាខែលដើម្បីបិទបាំងរឿងអាក្រក់របស់ខ្លួន។ តាមប្រភពច្បាស់ការមួយបានប្រាប់អ្នកសារព័ត៌មានយើងថា កាលពីរថ្ងៃទី២៦ ខែមករា ឆ្នាំ២០២៤ អគ្គនាយកដ្ឋានព័ត៌មាន និងសោតទស្សន៍ នាយកដ្ឋានមណ្ឌលព័ត៌មាន បានចេញលិខិតអញ្ជើញលោក ឈិន ម៉ៅ ចាងហ្វាងអង្គភាពសារព័ត៌មាន គេហទំព័រ បណ្ដាញព័ត៌មានថ្មី (ហៅកាត់ថា N3) ចូលរួម កិច្ចពិភាក្សាទាក់ទងក្រមសីលធម៌វិជ្ជាជីវៈ និងបញ្ហាផ្សេងៗ ធ្វើឲ្យលោកចាងហ្វាងម្នាក់នេះភ័យខ្លួន ទើបប្រើល្បិចឲ្យបក្សពួកឈ្មោះ ភួង រ៉ា បំភ័យពលរដ្ឋដែលបានរស់នៅលើដីនិងអាស្រ័យផលត្រឹមត្រូវ ឡើងមកភ្នំពេញធ្វើការតវ៉ា នៅក្រសួងព័ត៌មាន ដើម្បីបិទបាំងរឿងអាស្រូវរបស់ខ្លួន ឲ្យបានគេចផុតពីសំណាញ់ច្បាប់ តែពលរដ្ឋមិនបានចូលរួមតាមការគៀងគរ របស់បក្សពួកក្រុមជនខិលខូចនិងអ្នកសារព័ត៌មាននោះឡើយ។ ប្រភពបានបង្ហើបទៀតថាលោកចាងហ្វាង […]

នៅយប់ថ្ងៃទី០២ ខែមករា​ ឆ្នាំ២០២៤ កម្លាំងអធិការដ្ឋាននគរបាលខណ្ឌទួលគោក សហការជាមួយគណៈបញ្ជាការឯកភាពខណ្ឌ បានចុះត្រួតពិនិត្យនៅភោជនីយដ្ឋានមួយកន្លែងឈ្មោះ កៅ លន់ ផ្លូវលេខ៣១៥ ភូមិ៩​ សង្កាត់បឹង​កក់​ទី​១​ ខណ្ឌ​ទួល​គោក​ ដែលបានចាក់ភ្លេងតន្រ្តីបង្កសម្លេងរំខាន។ ជាមួយគ្នានេះដែរ កម្លាំងចំរុះបានធ្វើការណែនាំ និងធ្វើកិច្ចសន្យាជាមួយម្ចាស់ភោជនីយដ្ឋានឱ្យបញ្ឈប់ការបង្ករសំឡេងរំខាងដល់អ្នកជិតខាង និងភោជនីយដ្ឋាននេះត្រូវបានបិទជាបណ្តោះអាសន្ន នៅពេលម្ចាស់ភោជនីយដ្ឋានមានអាជ្ញាប័ណ្ណឱ្យបើកអាជីវកម្ម ទើបសមត្ថកិច្ចអនុញ្ញាតឱ្យបើកឡើងវិញ៕

នៅ​ថ្ងៃទី​០១ ខែកុម្ភៈ​ ឆ្នាំ​២០២៤​ ស្ថិត​នៅ​ភូមិ​ក្បាល​ដំរី​២ សង្កាត់​កាកាប​ទី​២ ខណ្ឌ​ពោធិ៍​សែនជ័យ​ កម្លាំងអធិការ​ដ្ឋាននគរបាលខណ្ឌ​ពោធិ៍សែនជ័យ ឃាត់​ខ្លួន​ជន​សង្ស័យ​ចំនួន​០២នាក់​ ពាក់ព័ន្ធករណី​វា ..;យ​ ប្លន់​យក​ម៉ូតូ​។ វត្ថុ​តាំង​ដក​ហូត​រួម​មាន​ ៖​ ម៉ូតូ​ម៉ាក​ហុង​ដា​ សេ​១២៥។ បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្តោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕

ភ្នំពេញ ៖ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ណែនាំឲ្យបន្ដយុទ្ធនាការរឹតបន្ដឹងច្បាប់ស្តីពី ចរាចរណ៍ផ្លូវគោក ដោយចុះមិនឲ្យដឹងមុន ជាពិសេសនៅពេលរាត្រី ដើម្បីការពារអាយុជីវិតរបស់ប្រជាពលរដ្ឋ ឬឈានទៅលុបបំបាត់នូវភាពអាណាធិបតេយ្យ ការមិនគោរពច្បាប់ចរាចរណ៍។ ថ្លែងនៅក្នុងកិច្ចប្រជុំបូកសរុប ដកពិសោធន៍ រឹតបន្ដឹងច្បាប់ស្តីពី ចរាចរណ៍ផ្លូវគោក ឆ្នាំ២០២៣ និងលើកទិសដៅបន្ដ នាថ្ងៃទី៣០ ខែមករា ឆ្នាំ២០២៤ នៅទីស្ដីការក្រសួងមហាផ្ទៃ ឯកឧត្តម នាយឧត្តមសេនីយ៍ ស ថេត បានគួសបញ្ជាក់ថា អត្រាគ្រោះថ្នាក់ចរាចរណ៍មានការថយចុះ ធៀបនឹងរយៈពេលមុននៃយុទ្ធនាការត្រួតពិនិត្យរឹតបន្ដឹងច្បាប់ស្តីពី ចរាចរណ៍ ផ្លូវគោក និងត្រួតពិនិត្យជាតិអាល់កុល លើអ្នកបើកបរ។ ហើយការរឹតបន្ដឹងច្បាប់ចរាចរណ៍ ត្រួតពិនិត្យជាតិស្រវឹងលើអ្នកបើកបរនេះ គឺដើម្បីការពារ អាយុជីវិត របស់ប្រជាពលរដ្ឋ ឬឈានទៅលុបបំបាត់នូវភាពអាណាធិបតេយ្យ ការមិនគោរពច្បាប់ចរាចរណ៍៕

រាជធានីភ្នំពេញ៖ អនុវត្តតាមបញ្ជា ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ ឯកឧត្តម នាយឧត្ដមសេនីយ៍ ម៉ក់ ជីតូ និង ឯកឧត្តម ឧត្ដមសេនីយ៍ឯក ព្រុំ សន្ធរ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់ របស់ឯកឧត្តម ឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន។ កាលពីថ្ងៃទី៣០ ខែមករា ឆ្នាំ២០២៤ វេលាម៉ោង ១២៖០០នាទី កម្លាំងជំនាញ (ក១) ដឹកនាំដោយលោក ឧត្តមសេនីយ៍ទោ អ៊ិន សុង លោកវរសេនីយ៍ឯក ហុង វណ្ណារិទ្ធ នាយករងមន្ទីរ លោកវរសេនីយ៍ទោ កើត រ៉ាវី និងលោកវរសេនីយ៍ទោ រឹម ម៉ិច នាយរងការិយាល័យ (ក១) សហការជាមួយកម្លាំងជំនាញនៃស្នងការដ្ឋាននគរបាលខេត្តសៀមរាប ដឹកនាំសម្របសម្រួលដោយលោក ប៉ុក តារា ព្រះរាជអាជ្ញារង នៃអយ្យការអមសាលាដំបូងខេត្តសៀមរាប បានស្រាវជ្រាវ ស៊ើបអង្កេត បង្ក្រាបករណី […]

កោះកុង÷ រដ្ឋមន្ត្រីក្រសួងមហាផ្ទៃ ឯកឧត្តម អភិសន្តិបណ្ឌិត ស សុខា បានសម្រេចបណ្ដេញមន្ត្រីនគរបាលក្រុងខេមរៈភូមិន្ទ នៃខេត្តកោះកុង ចំនួន ២ នាក់ទៀតចេញពីក្របខ័ណ្ឌនគរបាលជាតិ ដោយសារតែល្មើសនឹងវិន័យកងកម្លាំង។ បើយោងតាមសេចក្តីសម្រេចរបស់ក្រសួងមហាផ្ទៃ ដែលទើបទទួលបានថ្មីៗនេះ បានឲ្យដឹងថា មន្ត្រីនគរបាលក្រុងខេមរៈភូមិន្ទ នៃស្នងការដ្ឋាននគរបាលខេត្តកោះ កុង ចំនួន ២ រូប ដែលត្រូវបានដកហូតមុខតំណែង ឋានន្តរស័ក្តិ និងបណ្តេញចេញពីក្របខ័ណ្ឌនគរនបាលជាតិនោះ ១- លោកវីរៈសេនីយ៍ត្រី សាត សំអឿន អត្តលេខ ៨០២៤៦ នាយប៉ុស្តិ៍នគបាលរដ្ឋបាលស្ទឹងវែង។ ២- លោកអនុស្សសេនីយ៍ទោ សុិន សត្យា អត្តលេខ ៨២៨៤១ នាយរងផ្នែកប្រឆាំងគ្រឿងញៀន។ មូលហេតុល្មើសវិន័យរបស់កងកម្លាំងនគរបាលជាតិ។ ផ្អែកការបញ្ជាក់សេចក្តីសម្រេចថា ប្រាក់ បៀវត្ស និងប្រាក់ឧបត្ថម្ភផ្សេងៗ ត្រូវបានកាត់ផ្ដាច់និងលុបចេញពីក្របខ័ណ្ឌមន្ត្រីនគរបាលជាតិ ចាប់ពី ខែមេសា ឆ្នាំ ២០២៤ នេះតទៅ។ គួររំលឹកផងដែរថា រហូតមកទល់ពេលនេះ មន្ត្រីក្រសួងមហាផ្ទៃ ជិត ១០០ នាក់ហើយ […]