ព័ត៌មានសន្តិសុខសង្គម

ភ្នំពេញ៖ ដោយអនុវត្តស្មារតីលិខិតលេខ ១៩០/២៣ លស.អ ចុះថ្ងៃទី២១ ខែវិច្ឆិកា ឆ្នាំ២០២៣ របស់រដ្ឋបាលរាជធានីភ្នំពេញ និងទទួលបានការអនុញ្ញាតពីលោក ឯក ឃុនដឿន អភិបាល នៃគណៈអភិបាលខណ្ឌឫស្សីកែវ នាព្រឹកថ្ងៃទី០១ ខែកុម្ភៈ ឆ្នាំ២០២៤ វេលាម៉ោង ០៨:០០នាទី ក្រុមការងារចម្រុះរដ្ឋបាលខណ្ឌ ដឹកនាំ លោក លឹម សាម៉ឺឌី នាយករដ្ឋបាលសាលាខណ្ឌ បានចុះអនុវត្តវិធានការរដ្ឋបាលរុះរេីសំណង់របងថ្ម និងសម្ភារៈផ្សេងៗរបស់ឈ្មោះ ឡាយ ប៊ុនសៀង ម្ចាស់ក្បាលដីដែលបានគ្រប់គ្រងចូលដីតំបន់អភិវឌ្ឍន៍ព្រែកអូរវែង ជាដីរបស់រដ្ឋ ដេីម្បីធ្វេីការរៀបចំអភិវឌ្ឍន៍ទៅតាមប្លង់ហេដ្ឋារចនាសម្ព័ន្ធរបស់រដ្ឋបាលរាជធានីភ្នំពេញ ពិសេសដើម្បីផ្តល់ដីជូនប្រជាពលរដ្ឋដែលទទួលរងផលប៉ះពាល់ពីការស្ថាបនាផ្លូវបេតុងថ្មីលើអតីតផ្លូវរថភ្លើង ។ កន្លងមក រដ្ឋបាលខណ្ឌ បានជូនដំណឹងលោក ឡាយ ប៊ុនសៀង ចំនួន ០៣លេីក និងជូនដំណឹងអំពីការចុះអនុវត្តវិធានការរដ្ឋបាលរុះរើចំនួន០១លើក(ក្រុមការងារបានប្រគល់ជូនដល់ដៃ) ហេីយរដ្ឋបាលខណ្ឌក៏បានស្នើសុំកម្លាំងស្នងការដ្ឋាននគរបាលរាជធានីភ្នំពេញ កម្លាំងបញ្ជាការដ្ឋានកងរាជអាវុធហត្ថរាជធានីភ្នំពេញ និងស្នើសុំការចូលរួមពីព្រះរាជអាជ្ញាផងដែរ ក្នុងការអនុវត្តវិធានការរដ្ឋបាលខាងលេីនេះ ។ ការអនុវត្តវិធានការរដ្ឋបាលនេះត្រូវបានអនុវត្តដោយរលូន និងជោគជ័យ ពុំមានបាតុភាពអ្វីគួរគត់សម្គាល់ទេ ដោយឈ្មោះ ឡាយ ប៊ុនសៀង ម្ចាស់ទីតាំង បានចូលថតវីឌីអូសកម្មភាព និងស្នេីសុំឯកសារពាក់ព័ន្ធពីក្រុមការងារ […]

ភ្នំពេញ៖ នៅរសៀលថ្ងៃទី២៩ ខែមករា ឆ្នាំ២០២៤ បានបើកសវនាការប្រកាសលើសំណុំរឿងជនត្រូវចោទឈ្មោះ សុខ សុវណ្ណវឌ្ឍនាសាប៊ុង ហៅ William Guang និងបក្ខពួកសរុប៤នាក់ ក្នុងសំណុំរឿងប៉ុនប៉ងប្លន់មួយករណីទៀត ដែលបម្រុងប្រព្រឹត្តទៅលើអ្នករកស៉ីជំនួញអចលនទ្រព្យម្នាក់ នៅខេត្តកំពង់ស្ពឺ។ វត្តមានក្នុងការប្រកាសសាលក្រមក្នុងពេលនេះ មានលោកស្រីចៅក្រម ឈុន ដាវី ជាប្រធានក្រុមប្រឹក្សា លោកចៅក្រម ធាម ច័ន្ទពិសិដ្ឋ និងលោកចៅក្រម កេត សុជាតិ ជាចៅក្រមប្រឹក្សា និងមានវត្តមាន លោក សាន សុភ: ជាតំណាងអយ្យការ។ នៅចំពោះមុខជនត្រូវចោទទាំង៤នាក់ តុលាការបានប្រកាសសម្រេច៖ * ទី១៖ ឈ្មោះ សុខ សុវណ្ណវឌ្ឍនា សាប៊ុង ភេទប្រុស អាយុ៤៤ឆ្នាំ ហៅ សុខ សុវណ្ណវឌ្ឍនាសាពុង ហៅ វីល្លាម គ័ង ដាក់ពន្ធនាគារ៦ឆ្នាំ * ទី២៖ គេច ម៉ាច ហៅ អាតឿ ភេទប្រុស […]

ភ្នំពេញ ៖ ជនសង្ស័យប្រុសស្រី ចំនួន៥នាក់ ដែលបានធ្វើសកម្មភាព លួច និងវាយប្លន់យ៉ាងសកម្ម នៅក្នុងរាជធានីភ្នំពេញ ត្រូវបាននគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ធ្វើការបង្ហាញមុខជាសាធារណៈ កាលពីព្រឹកថ្ងៃទី ៣០ ខែមករា ឆ្នាំ២០២៤នេះ រួចបញ្ជូនទៅកាន់សាលាដំបូងរាជធានីភ្នំពេញ ដើម្បីចាត់ការតាមនិតិវីធីច្បាប់ ។ នាយការិយាល័យនគរបាលព្រហ្មកំរិតស្រាល បានបន្ថែមថា បន្ទាប់ពីធ្វើសកម្មភាព ជនរងគ្រោះ ក៏បានទៅដាក់ពាក្យបណ្តឹង ហើយសមត្ថកិច្ចជំនាញ ក៏បានស្រាវជ្រាវ ឃាត់ខ្លួនបានជាបន្តបន្ទាប់ចំនួន ៥នាក់។ សមត្ថកិច្ច ក៏បានដកហូតបានម៉ូតូម៉ាកហុងដា ១គ្រឿង របស់ជនរងគ្រោះ ព្រមទាំងដកហូតបានកន្ត្រៃកាត់ដែក១និង ដង្កាប់ចំនួន១ សម្រាប់ធ្វើសកម្មភាពលួច ផងដែរ។ ក្រោយពីបង្ហាញមុខជាសាធារណៈ ជនសង្ស័យទាំង ០៥នាក់ ត្រូវបាននគរបាលបញ្ជូនខ្លួនទៅអយ្យការអមសាលាដំបូងរាជធានីភ្នំពេញដើម្បីចាត់ការតាមនីតិវិធីច្បាប់៕

ករណីអគ្គិភ័យបានឆាបឆេះផ្ទះប្រជាពលរដ្ឋយ៉ាងសន្ធោសន្ធៅអស់ចំនួន ១៣ខ្នងអស់ទាំងស្រុង និង២ខ្នងទៀត ខូចខាត១៥% បានបង្កការភ្ញាក់ផ្អើល នៅវេលាម៉ោង ៧និង៣៥នាទីយប់ ថ្ងៃទី២៩ ខែមករា​ ឆ្នាំ២០២៤ ដែលស្ថិតនៅចំណុចផ្លូវសុធារស ភូមិ១ ក្រុមទី៥ សង្កាត់ជ័យជំនះ ខណ្ឌដូនពេញ រាជធានីភ្នំពេញ។ លោកវរសេនីយ៍ឯក​ ព្រហ្ម​ យ៉ន​ នាយការិយាល័យនគរបាលបង្ការពន្លត់អគ្គិភ័យ​ និងសង្គ្រោះ​ នៃស្នងការដ្ឋាននគរបាលរាជធានីភ្នំពេញ​ បានប្រាប់ឲ្យដឹងថា​ ដោយមានការអនុវត្តតាមបទបញ្ជារបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានណែនាំដល់កម្លាំងជំនាញការិយាល័យនគរបាលបង្ការពន្លត់អគ្គិភ័យ និងសង្គ្រោះ ត្រូវធ្វើការយកចិត្តទុកដាក់ខ្ពស់នៅក្នុងប្រតិបត្តិការជួយសង្គ្រោះប្រជាពលរដ្ឋឲ្យបានទាន់ពេលវេលា។ ដោយទទួលបានបទបញ្ជារបស់ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរងនគរបាល និងជាស្នងការនគរបាលរាជធានីភ្នំពេញ លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានដឹកនាំបញ្ជាផ្ទាល់ដល់កងម្លាំងពន្លត់អគ្គិភ័យដែលប្រចាំការនៅគ្រប់បណ្តាលគោលដៅទាំងអស់​ ឲ្យចេញជួយអន្តរាគមន៍បាញ់ទឹកពន្លត់ឲ្យទាន់ពេលវេលា កុំឲ្យមានការឆាបឆេះបន្តដល់ផ្ទះប្រជាពលរដ្ឋដែលនៅក្បែរនោះ។ ដោយនៅក្នុងប្រតិបត្តិការខាងលើនេះ កម្លាំងសមត្ថកិច្ចជំនាញ បានប្រើប្រាស់រថយន្តពន្លត់អគ្គិភ័យចំនួន ៤៣គ្រឿង ក្នុងនោះរួមមាន រថយន្តពន្លត់អគ្គិភ័យរបស់ការិយាល័យរាជធានីភ្នំពេញ […]

នេះបានហៅថា ត្រីងៀត ឆ្លៀតពងមែន ស្ងាត់ៗដីដែលត្រូវដកហូតជាសម្បត្តិរដ្ឋ ត្រូវបានឃុបឃិតគ្នាលក់ចែកលុយគ្នាចាយ ហើយនាំគ្នាសម្ងំឈឹង…

ខេត្តកំពង់ស្ពឺ៖ ការបង្ក្រាបសង្វៀនបញ្ជល់មាន់នេះបានធ្វើឡើងកាលពីវេលាម៉ោង១២និង១៥នាទីថ្ងៃត្រង់ ថ្ងៃទី២៨ ខែមករា ឆ្នាំ២០២៤ នៅក្នុងភូមិកែវឧត្តម ឃុំត្រពាំងគង ស្រុកសំរោងទង ខេត្តកំពង់ស្ពឺ។ អ្នកញៀនល្បែងជល់មានចំនួន៤នាក់ ត្រូវបានកម្លាំងនគរបាលសហការបង្ក្រាបបាន ខណៈដែលអ្នកញៀនល្បែងជាច្រើននាក់បានរត់គេចខ្លួនបាតជើងសព្រាត ក្រោយប្រមូលផ្ដុំគ្នាលេងល្បែងជល់មាន់ ហើយកម្លាំងនគរបាលសហការបង្ក្រាបសង្វៀនបញ្ជល់មាន់នោះតែម្តង។ នៅមុនពេលបង្ក្រាបសង្វៀនបញ្ជល់មានខាងលើបានគឺ កម្លាំងនគរបាលព្រហ្មទណ្ឌស្រុកសំរោងទង បាន សហការជាមួយកម្លាំងនគរបាលរដ្ឋបាលប៉ុស្ដិ៍ឃុំត្រពាំងគង បានធ្វើការបង្ក្រាបទីតាំងលេងល្បែងស៊ីសង( ជល់មាន់ ) នៅដីវាលស្ថិតនៅភូមិកែវឧត្តម ឃុំត្រពាំងគង ស្រុកសំរោងទង ខេត្តកំពង់ស្ពឺ។ នៅក្នុងការបង្ក្រាបសង្វៀនបញ្ជល់មាន់នោះ ឃាត់ខ្លួនអ្នកញៀនល្បែងបានចំនួន ៤នាក់ទី០១- ឈ្មោះ ឱ សំណាង ភេទប្រុស អាយុ ៥៨ឆ្នាំ (ម្ចាស់សង្វៀន)ទី០២- ឈ្មោះ ខាត់ ចាន់ធឿន ភេទប្រុស អាយុ ៤៤ឆ្នាំ ទាំង២នាក់ រស់នៅភូមិកែវឧត្តម ឃុំត្រពាំងគង ស្រុកសំរោងទង ខេត្តកំពង់ស្ពឺ ទី០៣- ឈ្មោះ ហយ ហាន ភេទប្រុស អាយុ ៤១ឆ្នាំ នៅភូមិត្រពាំងរកា ឃុំត្រពាំងរកា […]

(បាត់ដំបង) កម្លាំងផ្នែកជំនាញនៃអធិការដ្ឋាននគរបាលក្រុងបាត់ដំបង  បានចុះប្រតិបត្តិការបង្ក្រាបឃាត់ខ្លួនជនបែកថ្នាំម្នាក់ក្រោយធ្វើសកម្មភាពគំរាមអុកឡុករំខានដល់ក្រុមគ្រួសារនិងអ្នកជិតខាង។ កិច្ចប្រតិបត្តិការខាងលើនេះធ្វើឡើងនៅវេលាម៉ោង ១០និង៤០នាទី ថ្ងៃទី២៩ ខែមករា ឆ្នាំ២០២៤ នៅចំណុចភូមិនំក្រៀប សង្កាត់ព្រែកព្រះស្ដេច ក្រុងបាត់ដំបង ដោយបានឃាត់ខ្លួនជនសង្ស័យម្នាក់ឈ្មោះ ពុទ្ធ សុវណ្ណរិទ្ធី ភេទប្រុស អាយុជាង២០ឆ្នាំ រស់នៅចំណុចភូមិនំក្រៀប សង្កាត់ព្រែកព្រះស្ដេច ក្រុងបាត់ដំបង ដែលជនសង្ស័យរូបនេះតែងបានធ្វើសកម្មភាពបង្ករហឹង្សាគំរាមសម្លាប់ម្តាយ និងរំខានប៉ះពាល់ដល់អ្មកជិតខាងផងដែរ។ ក្រោយពីឃាត់ខ្លួន ជនសង្ស័យបែកថ្នាំខាងលើ ត្រូវបានកម្លាំងនគរបាលជំនាញបញ្ជូនទៅកាន់អធិការដ្ឋាននគរបាលក្រុងបាត់ដំបងដើម្បីសាកសួរ និងកសាងសំណុំរឿងចាត់ការតាមនីតិវិធី៕ដោយ៖ភ្នំខៀវ

(ឧត្តរមានជ័យ)ឈ្មួញកណ្ដាលនៅតែ បន្តសម្រុកដើរប្រមូល ទិញអង្កាម នៅតាមរោងម៉ាស៊ីន ដឹកជញ្ជូនតាមរថយន្តធុនធំក្នុងភូមិសាស្ត្រខេត្តឧត្តរមានជ័យទោះបីទីផ្សារ មានការធ្លាក់ចុះបន្តិចវិញខណៈដែលខាងភាគីថៃពុំសូវកុម្ម៉ង់ទិញ នេះបើតាមការបញ្ជាក់ឲ្យដឹងពី ថៅកែ ដើរប្រមូលទិញអង្កាម នៅរោងម៉ាស៊ីនមួយកន្លែងស្ថិតនៅក្នុងភូមិពុល សង្កាត់សំរោងក្រុងសំរោង ខេត្តឧត្តរមានជ័យកាលពីថ្ងៃទី២៩ខែមករាឆ្នាំ២០២៤នេះ។ បើតាមប្រភពនឹងការរៀបរាប់ឲ្យដឹងពី លោក ស៊ សុន បានបញ្ជាក់ឲ្យដឹងនៅព្រឹកថ្ងៃច័ន្ទទី២៩ខែមករាឆ្នាំ២០២៤ នេះថា គាត់មានមុខរបរទទួលទិញអង្កាមនៅតាមរោងម៉ាសុីននេះប្រមាណជាជិតដប់ឆ្នាំកន្លងមកហើយ ចំពោះទីផ្សារអង្កាម ដែលលោកប្រមូលទិញនៅតាមរោងម៉ាស៊ីននៅក្នុងភូមិសាស្ត្រមានមានជ័យ មានការ ធ្លាក់ថ្លៃចុះបន្តិចវិញខណៈដែលនៅខាងថៃ គេសម្បូរអង្កាម ច្រើនដែរក៏ប៉ុន្តែ ឈ្មួញថៃគេបន្តកម្មង់ទិញដដែល។ ប្រភពដដែលបានបន្តទៀតថា អង្កាមដែលលោកប្រមូលទិញ នេះផងដែរគឺ ដឹកបន្តទៅ សាងឱ្យឡានថៃនៅច្រកអូរបីជាន់នៅខេត្តបន្ទាយមានជ័យ ហើយចំពោះតម្លៃទីផ្សារវិញគិតត្រឹមថ្ងៃទី២៩ខែមករាឆ្នាំ២០២៤នេះ អង្កាម១តោនលក់បានត្រឹមតែ៨៥០០០រៀលប្រាំបីមុឺនប្រាំពាន់រៀល កាលពីកន្លងទៅអង្កាម១មួយតោនលក់បានចាប់ពី៩០០០០រៀលប្រាំបួនមុឺនរៀលតែអីលូវនៅសល់ត្រឹមតែតែ១តោន៨៥០០០រៀលប៉ុណ្ណោះ តែទោះបីជាទីផ្សារធ្លាក់ចុះយ៉ាងណាគាត់នៅតែបន្តដើរប្រមូលទិញនៅតាមរោងម៉ាស៊ីនតូចៗ ជាប្រចាំ ពីព្រោះ គាត់មានមុខរបរនេះ យូរណាស់មកហើយចំពោះការ អង្កាមនេះដែរ ក្នុងមួយជើងដឹកបានត្រឹមតែចំនួន៨តោនដោយឡែកការចំណាយថ្លៃប្រេងហូបចុក ចាយលើជួលកម្មករបូកសរុបមួយជើងចំណេញប្រាក់ប្រមាណជា ម្ភៃម៉ឺនរៀល២០០០០រៀលតែប៉ុណ្ណោះពេលខ្លះឡានខូតចូលដើមក៏មែនដែរ។ គួររំលឹកថា បើតាមការអះអាងពី អ្នកប្រមូលទិញអង្កាម បានលើកឡើងបន្ថែមថាចំពោះអង្កាមនេះ ដែរគឺគាត់ប្រមូលទិញរួចហើយយកទៅលក់បន្តឲ្យឈ្មួញថៃដែលគេចាំទទួលទិញនៅច្រកអូរបីជាន់ហើយចំពោះក្រុមឡានរបស់គាត់ដើរប្រមូលទិញអង្កាមនៅតាមរោងសុីនក្នុងភូមិសាស្ត្រខេត្តឧត្តរមានជ័យមានចំនួនពីរគ្រឿង ហើយការប្រមូលអង្កាមពុំមានបានរាល់ថ្ងៃនោះទេទាល់តែខាងឈ្មួញថៃគេកម្មង់ពីរឬបីថ្ងៃទើបប្រមូលទិញបានមួយឡានដឹកបន្តយកទៅលក់ឲ្យគេតែម្តង។ឈឹម.កុសល។

ខេត្តព្រះសីហនុ៖ មានករណីអគ្គីភ័យបានឆាប់ឆេះអាគារស្នាក់ ឌី ហាវ អណ្ដើតភ្លើងចេញពីបន្ទប់ជាន់ទី៦ ហេតុការណ៍ភ្ញាក់ផ្អើលមួយនេះបានកើតឡើងកាលពីវេលាម៉ោង ៨:៣០នាទីយប់ថ្ងៃទី២៦ ខែមករា ឆ្នាំ២០២៤ នៅត្រង់ចំណុចក្រោយ សាលាកម្មករ ស្ថិតក្នុង ភូមិ ៣ សង្កាត់លេខ ៤ ក្រុងព្រះសីហនុ/ខេត្តព្រះសីហនុ។ ភ្លាមៗនោះអគ្គីភ័យខាងលើត្រូវបានសមត្ថកិច្ចចម្រុះបានសហការគ្នាចុះជួយអន្តរាគមន៍ជុំវិញករណីខាងលើ បានទាន់ពេលវេលាមិនបណ្ដាលឱ្យរងរបួសគ្រោះថ្នាក់ដល់មនុស្សឡើយ គ្រាន់តែរងការខូចខាតសម្ភារៈក្នុងបន្ទប់ទាំងស្រុង។ ពាក់ព័ន្ធករណីខាងលើនេះបើយោងតាមការបញ្ជាក់ពីសមត្ថកិច្ចបានឲ្យដឹងជា(បឋម)ថាក្នុងករណីអគ្គីភ័យខាងលើនេះបណ្ដាលមកពីឆ្លងចរន្តអគ្គិសនី ។

ភ្នំពេញ ÷ទីតាំងល្បែងសុីសង មួយកន្លែង បើកទទួលភ្ញៀវចូលលេង ហាក់មិនខ្លាចញញើតនិងសមត្ថកិច្ច សោះឡើយ ដែលមានទីតាំងបង្កប់ ក្នុងផ្ទះលក់បាយ(លក្ចណា)  ដែលស្ថិតនៅតាមបណ្ដោយផ្លូវលេខ ២១៧ ភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។ ពលរដ្ឋនិងមាតាបិតាសិស្ស ដែលរស់នៅជិតទីតាំងខាងលើ បានស្នើរអោយសារព័ត៌មាន ជួយធ្វើការផ្សព្វផ្សាយ និងសំណូមពរដល់លោក ឧត្តមសេនីយ៍ឯក ជួនណារិនស្នងការនគរបាលរាជធានីពេញ លោក ស្រី គឹម ញឹប អភិបាលនៃគណៈអភិបាលខណ្ឌដង្កោ  និងលោក ជឹម សុីថា អធិការខណ្ឌដង្កោ ជួយចុះពិនិត្យទីតាំងខាងលើនេះផង ដើម្បីរក្សាសុខសុវត្ថិភាពជូនដល់ប្រជាពលរដ្ឋ ដែលរស់នៅក្បែរទីតាំងនោះផង ជាពិសេសរក្សានៅពាក្យស្លោក ភូមឃុំមានសុវត្ថិភាព គ្មានអំពើឆក់ ប្លន់និងករណីផ្សេងៗទៀត។ ដោយទីតាំងខាងលើ នៅជិតសាលារៀនដែលជាកន្លែងមួយធ្វើឱ្យសិស្សានុសិស្សមួយចំនួន ឈ្លក់វង្វេងបាត់បង់ការសិក្សាដោយសារតែល្បែងស៊ីសងនេះ ម្យ៉ាងទៀតទីតាំងនេះគឺនៅចំពីមុខ និងមន្ទីរបក្សថែមទៀតផង ។ គូរបញ្ជាក់ផងដែរថា កាលពីថ្ងៃទី ២៥ ខែមករា ឆ្នាំ២០២៤ថ្មីៗ កន្លងទៅពលរដ្ឋនិងមហាជនមានការសាទរ ចំពោះចំណាត់ការ របស់សមត្ថកិច្ចក្នុងខណ្ឌដង្កោ ដែលបានយកចិត្តទុកដាក់ចុះបង្ក្រាប ទីតាំងល្បែងស៊ីសងតាមប្រព័ន្ធអនឡាញ មួយកន្លែង ជ្រកក្រោមស្លាកហាងកាហ្វេយីហោ […]