Month: October 2023

ក្នុងឱកាសដ៏នក្ខត្តឫក្ស មង្គលសួស្តី នៃថ្ងៃខួបកំណើត សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា គម្រប់ ៤៦ឆ្នាំ ឈានចូល ៤៧ឆ្នាំ នាថ្ងៃទី២០ ខែតុលា ឆ្នាំ២០២៣, ឯកឧត្តម រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ សូមបួងសួងដល់គុណបុណ្យព្រះរតនត្រៃ វត្ថុស័ក្តិសិទ្ធិក្នុងលោក ទេវតាឆ្នាំថ្មី តាមជួយបីបាច់ថែរក្សាការពារ និងសូមប្រោសប្រទាននូវសព្វសាធុការពរ បវរមហាប្រសើរ សិរីសួស្ដី ជ័យមង្គល វិបុលសុខគ្រប់ប្រការ ជូនចំពោះ សម្តេចមហាបវរធិបតី និងលោកជំទាវ ព្រមទាំងបុត្រ។ ឆ្លៀតក្នុងឱកាសដ៏ថ្លៃថ្លានេះ យើងខ្ញុំសូមសម្ដែងនូវការគោរពដឹងគុណយ៉ាងជ្រាលជូនចំពោះ សម្តេចមហាបវរធិបតី ដែលបានយកអស់កម្លាំងកាយចិត្ត និងបញ្ញាស្មារតី ពុះពាររាល់ឧបសគ្គក្នុងការចូលរួមថែរក្សាសុខសន្តិភាព ស្ថិរភាពពេញលេញ ក្នុងការការពារបូរណភាពទឹកដី ការពារអធិបតេយ្យភាពជាតិ ដែលជាមូលដ្ឋានគ្រឹះដ៏សំខាន់ក្នុងការអភិវឌ្ឍប្រទេសជាតិ ឲ្យកាន់តែរីកចម្រើនលើគ្រប់វិស័យ ស្មើមុខស្មើមាត់ជាមួយបណ្តាប្រទេសក្នុងតំបន់ និងពិភពលោក។ ស្ថិតក្នុងឱកាសដ៏មហោឡារិក ប្រកបដោយក្តីសោមនស្សរីករាយនេះ យើងខ្ញុំទាំងអស់គ្នា សូមគោរពជូនពរ សម្តេចមហា​បវរធិបតី និង លោកជំទាវ ព្រមទាំងបុត្រ សូមប្រកបដោយសុខភាពល្អបរិបូរណ៍ កម្លាំងពលំមាំមួន […]

ខេត្តកំពង់ឆ្នាំង៖ នៅព្រឹកថ្ងៃសុក្រ ៦កើត ខែអស្សុជ ឆ្នាំថោះ បញ្ចស័ក ព.ស. ២៥៦៧ ត្រូវនឹង ថ្ងៃទី២០ ខែតុលា ឆ្នាំ២០២៣នេះ លោកស្រី ប៊ន សុភី អភិបាលរង នៃគណៈអភិបាលខេត្តកំពង់ឆ្នាំង អញ្ជើញចូលរួមសិក្ខាសាលាផ្សព្វផ្សាយស្តីពី” អនុក្រឹតស្តីពីគោលការណ៍ និងនីតិវិធីបន្ថែមសម្រាប់ការគ្រប់គ្រងចំណូលមែន សារពីពន្ធក្នុងក្របខ័ណ្ឌនៃការផ្ទេរមុខងារ និងការចែករំលែកចំណូលមិនមែនសារពីពន្ធពីរដ្ឋបាលថ្នាក់ជាតិ ទៅឱ្យរដ្ឋបាលថ្នាក់ក្រោមជាតិ” ក្រោមអធិបតីភាពដ៏ខ្ពង់ខ្ពស់ ឯកឧត្តមបណ្ឌិត វង់ សណ្ដាប់ រដ្ឋលេខាធិការនៃក្រសួងសេដ្ឋកិច្ចហិរញ្ញវត្ថុ និងជាប្រធានក្រុមការងារចំពោះកិច្ចកម្រិតថ្នាក់ដឹកនាំ នៅសណ្ឋាគារសុខាភ្នំពេញ។ ដោយឡែកនៅខេត្តកំពង់ឆ្នាំង ដោយមានការចូលរួមពីលោក លោកស្រីតំណាងប្រធានមន្ទីរអង្គភាពជុំវិញខេត្ត នាយកទីចាត់ការហិរញ្ញវត្ថុ ប្រធានអង្គភាពច្រកចេញចូលតែមួយ និងការិយាល័យច្រកចេញចូលតែមួយក្រុង ស្រុក នៅសាលប្រជុំ គ.៣ សាលាខេត្តកំពង់ឆ្នាំង តាមប្រព័ន្ធវីដេអូ zoom។

នៅព្រឹកថ្ងៃទី២០ ខែតុលា ឆ្នាំ២០២៣នេះ នៅសាលប្រជុំនន្ទីរ អគារ ខ សាលាខេត្ត មានរៀបចំកិច្ចប្រជុំវិសាមញ្ញ លើកទី៥ អាណត្តិទី៣ របស់ក្រុមប្រឹក្សាខេត្ត​ ក្រោមអធិបតីភាពឯកឧត្តម ជុំ ហាត ប្រធានក្រុមប្រឹក្សាខេត្ត និងមានការអញ្ជើញចូលរួមពីឯកឧត្តម​ ប៉េង​ ពោធិ៍សា​ អភិបាល​ នៃគណៈអភិបាលខេត្តស្វាយរៀង​ ព្រមទាំងឯកឧត្ដម លោកជំទាវ សមាជិកក្រុមប្រឹក្សាខេត្ត លោកនាយករដ្ឋបាលសាលាខេត្ត លោកនាយកទីចាត់ការធនធានមនុស្សសាលាខេត្ត​ និងមន្ត្រីពាក់ព័ន្ធមួយចំនួនទៀត។ របៀបវារៈនៃកិច្ចប្រជុំនេះ​ គឺដេីម្បីពិនិត្យ និងអនុម័ត សេចក្តីព្រាង​ សេចក្តីសម្រេចស្តីពីការបែងចែកតួនាទី​ ភារកិច្ច​ និងរបៀបរបបធ្វេីការជូនគណៈអភិបាលខេត្ត​ និងសេចក្តីផ្សេងៗ។

(បាត់ដំបង) កម្លាំងនៃស្នងការដ្ឋាននគរបាលខេត្តបាត់ដំបង ដែលមានលោកឧត្ដមសេនីយ៍ទោ សាត គឹមសាន ជាស្នងការ និងមានការសម្របសម្រួលលើនីតិវិធីពី ឯកឧត្តម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបង បានសហការជាមួយកម្លាំងនៃស្នងការដ្ឋាននគរបាលខេត្តបន្ទាយមានជ័យ ដែលមានលោកឧត្ដមសេនីយ៍ទោ សិទ្ធិ ឡោះ ជាស្នងការនិងមានការសម្របសម្រួលនីតិវីធីពីឯកឧត្តម កើត វណ្ណារ៉េត ព្រះរាជអាជ្ញា នៃអយ្យការអមសាលាដំបូងខេត្តបន្ទាយមានជ័យ បានធ្វើការឃាត់ខ្លួនជនសង្ស័យម្នាក់ពីបទឃាតកម្មគឹតទុកជាមុន។ លោកវរសេនីយ៍ឯក ឈឿង គឹមសុង ស្នងការរងខេត្តបាត់ដំបង ទទួលដឹកនាំការិយាល័យនគរបាលព្រហ្មទណ្ឌកម្រិតស្រាល បានអោយដឹងថា កិច្ចប្រតិបត្តិការនេះធ្វើឡើងនៅវេលាម៉ោង ០៥និង១៥ នាទី ថ្ងៃទី១៧ ខែតុលា ឆ្នាំ២០២៣ នៅចំណុចភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ដោយបានឃាត់ខ្លួនជនសង្ស័យម្នាក់តាមដីកាបង្គាប់អោយចាប់ខ្លួនលេខ ៧៧៤ ត.ព្រ របស់លោក គា សីហា ចៅក្រមស៊ើបសួរ នៃសាលាដំបូងខេត្តបាត់ដំបង ដែលបង្គាប់ឲ្យចាប់ខ្លួន ជនសង្ស័យ ឈ្មោះ វ៉េង ចិត្រា ហៅ ធី ភេទប្រុស មានទីលំនៅភូមិអូរបាក់ត្រា […]

នារសៀល ថ្ងៃទី១៨ ខែតុលា ឆ្នាំ២០២៣ លោកវរសេនីយ៍ឯក ឡុង វិចិត្រា មេបញ្ជាការ អាវុធហត្ថខណ្ឌទួលគោក បានដឹកនាំកម្លាំងចុះសួរសុខទុក្ខ លោកព្រិន្ទបាលឯក ជា កាណាន់ សមាជិកអាវុធហត្ថខណ្ឌ ដែលកំពុងសម្រាកព្យាបាល វះកាត់ពោះវៀនដុះខ្នែង នៅមន្ទីរពេទ្យ​ផ្សារទួលគោក។ ក្នុងឱកាសនោះ លោកមេបញ្ជាការខណ្ឌ បាននាំយកថវិកាផ្ទាល់ខ្លួន រួមនឹងថវិកាដែលប្រមូលបានពី នាយ-នាយរង នៃអាវុធហត្ថខណ្ឌទួលគោក ក្នុងស្មារតីសាមគ្គីភាព សរុបចំនួន ២លានរៀល, ទឹកសុទ្ធ ៤កេស, ទឹកដោះគោឆៅ ២យួរ ជាអំណោយសួរសុខទុក្ខ និងទុកជាការចែករំលែកសម្រាលបន្ទុកក្នុងការសម្រាកព្យាបាលផងដែរ៕

នៅព្រឹកថ្ងៃព្រហស្បតិ៍៥កេីត ខែអស្សុជ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៩ ខែតុលា ឆ្នាំ២០២៣នេះ ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង និងជាប្រធានកិត្តិយសសមាគមអតីតយុទ្ធជនកម្ពុជាខេត្ត និងលោកជំទាវ​ ដួង​ វណ្ណា​ តំណាងរាស្ត្រមណ្ឌលស្វាយរៀង បានអញ្ជើញចុះពិនិត្យវឌ្ឍនភាព​នៃការជីកប្រឡាយ​ និងការរៀបចំដាក់ប្រព័ន្ធលូរំដោះទឹក​ជូនដល់អតីតយុទ្ធជន និវត្តន៍ជនចំនួន ៤០០គ្រួសារ ដែលទទួលបានដី និងផ្ទះជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជនកម្ពុជា នៅភូមិជីកដី ឃុំអណ្តូងត្របែក ស្រុករមាសហែក ខេត្តស្វាយរៀង។ អញ្ជើញចូលរួមក្នុងឱកាសនោះដែរមាន​ ឯកឧត្ដមអភិបាលរងខេត្ត កងកម្លាំងប្រដាប់អាវុធទាំងបី លោកប្រធានមន្ទីរ-អង្គភាពពាក់ព័ន្ធ លោកអភិបាលស្រុករមាសហែក លោកអធិការនគរបាលស្រុក និងជាប្រធានសមាគមអតីតយុទ្ធជនកម្ពុជាស្រុក លោកមេឃុំ មេភូមិ និងមន្ត្រីពាក់ព័ន្ធមួយចំនួនទៀត ។

ឯកឧត្តមអ៊ាង សុផល្លែតរដ្ឋមន្ត្រីក្រសួងបរិស្ថានបាន និងបន្តជំរុញនូវយុទ្ធនាការដាំដើមឈើយ៉ាងតិចមួយលានដើមក្នុងមួយឆ្នាំ ។ ឯកឧត្តមរដ្ឋមន្ត្រីក៏បានដាក់ចេញនូវវិធានការ៤ចំណុចទប់ស្កាត់បទល្មើសធនធានធម្មជាតិ ១. បញ្ចប់វប្បធម៌ចុះកិច្ចសន្យាដោះលែងអ្នកប្រព្រឹត្តបទល្មើសជំរុញការអនុវត្តច្បាប់១០០%។ ២. ក្រសួង/មន្ទីរបរិស្ថានសហការជាមួយអាជ្ញាធរមូលដ្ឋានដើម្បីទប់ស្កាត់បទល្មើស ។ ៣. ក្រសួង/មន្ទីរបរិស្ថានសហការជាមួយបញ្ជាការដ្ឋានកងរាជអាវុធហត្ថលើផ្ទៃប្រទេសនិងអង្គភាពប្រឆាំងអំពើពុករលួយដើម្បីបង្ក្រាបបទល្មើស។ ៤. ជំរុញការស្ដារ និងដាំដើមឈើឡើងវិញដើម្បីពង្រីកគម្របព្រៃឈើ ឲ្យបាន ៦០% នៅឆ្នាំ ២០៥០ ឯកឧត្តម អ៊ា​ង សុ​ផល្លែ​ត រដ្ឋមន្ត្រី​ក្រសួងបរិស្ថាន បានអោយដឹងថា «ការ​អនុវត្ត​ច្បាប់ ដោយ​គ្មាន​ការ​លើកលែង និង​បញ្ចប់​វប្បធម៌ ធ្វើ​កិច្ចសន្យា ហើយ​ដោះ​លែង គឺជា​ការ​មិន​គោរព​ច្បាប់​»។ ថ្លែង​នៅ​ចំពោះ​មុខ​ថ្នាក់ដឹកនាំ មន្ត្រីរាជការ នៃ​អគ្គនាយកដ្ឋាន​តំបន់ការពារធម្មជាតិ កាលពីថ្ងៃ​ទី​២៦ ខែកញ្ញា ឆ្នាំ ២០២៣ ឯកឧត្តម​រដ្ឋមន្ត្រី បាន​អោយដឹងថា គ្រប់​ករណី​ប្រព្រឹត្តិ​បទល្មើស​ទាំងឡាយ ឲ្យ​តែ​ចាប់​បាន គឺ​មិន​អនុញ្ញាត​ឲ្យ​ធ្វើ​កិច្ចសន្យា ហើយ ដោះ​លែង​នោះ​ទេ គឺ​ត្រូវ​តែ​កសាង​សំណុំរឿង និង​ដាក់​បន្ត​ទៅ​តុលាការ ជា​ដាច់ខាត ហើយ​ប្រសិនបើ​ករណី​ទាំងនោះ មាន​ពាក់ព័ន្ធ​នឹង​កត្តានយោបាយ សូម​ផ្តល់​ព័ត៌មាន និង​សិទ្ធិ​ទុក​ជូន​ឯកឧត្តម​ជា​អ្នក​សម្រេច​។ ​ការ​អនុវត្ត​ភារកិច្ច កាតព្វកិច្ច​របស់​មន្ត្រី​ក្រោម​ឱវាទ ឱ្យ​បាន​ត្រឹមត្រូវ ហ្មត់ចត់ […]

នៅព្រឹកថ្ងៃទី១៨តុលា ក្នុងឱកាសនៃការអញ្ជើញអមដំណើរ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា អញ្ជើញចូលរួម វេទិកាខ្សែក្រវ៉ាត់ និងផ្លូវ លើកទី៣ ស្តីពីកិច្ចសហប្រតិបត្តិការអន្តរជាតិ នៅរដ្ឋធានីប៉េកាំង សាធារណរដ្ឋប្រជាមានិតចិន លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ភរិយាដ៏ឧត្តុង្គឧត្តម សម្តេចមហាបវរធិបតី ហ៊ុន ម៉ាណែត បានអញ្ជើញទស្សនាសារមន្ទីរសិល្បៈ និងសិប្បកម្ម ក្នុងរដ្ឋធានីប៉េកាំង សាធារណរដ្ឋប្រជាមានិតចិន។ នៅក្នុងពិធីបដិសណ្ឋារកិច្ចផ្លូវការ លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក៏ដូចលោកជំទាវ ជាភរិយាប្រមុខរដ្ឋ ប្រមុខរដ្ឋាភិបាល នៃប្រទេសដែល អញ្ជើញចូលរួម វេទិកាខ្សែក្រវ៉ាត់ និងផ្លូវ លើកទី៣ ស្តីពីកិច្ចសហប្រតិបត្តិការអន្តរជាតិ ត្រូវបានទទួលនូវការធ្វើគារវកិច្ចស្វាគមន៍យ៉ាងកក់ក្តៅបំផុត ពីលោកជំទាវ ផឹង លីយ័ន ភរិយា ឯកឧត្តមប្រធានាធិបតី នៃសាធារណរដ្ឋប្រជាមានិតចិន ស៊ី ជីនពីង។ សូមបញ្ជាក់ថា​ សារមន្ទីរសិល្បៈ និងសិប្បកម្មជាតិចិនមានទីតាំងនៅជាប់ឧទ្យានព្រៃអូឡាំពិកនៅភាគខាងជើងទីក្រុងប៉េកាំង ៕

(ឧត្តរមានជ័យ)ថ្ងៃឈប់សម្រាកបុណ្យភ្ជុំបិណ្ឌរយ:ពេល៣ថ្ងៃមានភ្ញៀវជាតិមកលេងកំសាន្តនៅតាមតំបន់ទេសចរណ៏ក្នុងខេត្តឧត្តរមានជ័យឆ្នាំ២០២៣មានចំនួន១៣.៦៩៦នាក់(ដប់បីមុឺនប្រាំមួយរយកៅសិបប្រាំមួយនាក់)កើនឡើង២៦ភាគរយបើធៀបនឹងក្នុងអំឡុងឆ្នាំ២០២២កន្លងទៅនេះបើយោងតាមរបាយការណ៏មន្ទីរទេសចរណ៍ខេត្តឧត្តរមានជ័យបានឲ្យដឹងនៅថ្ងៃអាទិត្យទី១៦ខែតុលាឆ្នាំ២០២៣ម្សិលមិញថា ស្ថិតិភ្លៀវទេសចរណ៏មកលេងកំសាន្តតាមគោលដៅទេសចរណ៍សំខាន់ និងវត្តអារាម នាឱកាសឈប់សម្រាកក្នុងថ្ងៃបុណ្យភ្ជុំបិណ្ឌ ក្នុងរយៈពេល៣ថ្ងៃគិតចាប់ពីថ្ងៃទី១៣ដល់ថ្ងៃទី១៥ខែតុលាឆ្នាំ២០២៣នេះ។ លោកស្រីធិននីមុន្នីរស្មីប្រធានមន្ទីរទេសចរណ៏ខេត្តបានបញ្ជាក់ប្រាប់នៅថ្ងៃទី១៧ខែតុលាឆ្នាំ២០២៣បន្ថែមថា ភ្ញៀវជាតិ មានចំនួន សរុប 13,696 នាក់ បើប្រៀបធៀបនិងឆ្នាំ2022 មានចំនួន 10,898 នាក់ មានអត្រាកើនឡើង 26%។ សម្រាប់ភ្ញៀវអន្តរជាតិ មានចំនួន សរុប 155 នាក់ បើប្រៀបធៀបនិងឆ្នាំ2022 មានចំនួន 113នាក់ មានការកើនឡើង 37%។ គួររំលឹកថា សម្រាប់ខេត្តឧត្តរមានជ័យមានរមនីយដ្ធានកំសាន្តសំខាន់ចំនួន១០កន្លែង តំបន់ធម្មជាតិរូងដែកសង្ឃរុក្ខវ័ន្ត ផ្ទះតាម៉ុក តំបន់ធម្មជាតិរលួសធំ ប្រាសាទតាមាន់ធំ ប្រាសាទតាក្របី តំបន់ធម្មជាតិទឹកធ្លាក់ថ្មដាអូរទឹកខៀវ តំបន់ប្រវត្តិសាស្ត្រផ្ទះប៉ុលពតខៀវសំផន ទឹកធ្លាក់ក្បាលទន្សោង  សួនកម្សាន្តអូរព្រាល សួនលំហែរជើងភ្នំជប់គគីរ និងកន្លែងរមនីយដ្ធានតាមប្រាសាទបុរាណ ទំនប់បង្ហៀរ ដីដុះ តាមផ្លូវយុទ្ធសាស្ត្រជាច្រើនផ្សេងៗទៀត។ សូមជម្រាបថា តំបន់ទេសចរណ៏ក្នុងខេត្តឧត្តរមានជ័យចំពោះបងប្អូនប្រជាពលរដ្ធធ្វើដំណើរពីបណ្តាខេត្តផ្សេងៗភាគច្រើនមកលេងកំសាន្តនិងធ្វើដំណើរឆ្លងកាត់មិនថាថ្ងៃបុណ្យទាននោះទេនិយាយរួមមានរហូតមិនចេះដាច់ឡើយ។លើសពីនេះទៅទៀតសម្រាប់ខេត្តឧត្តរមានជ័យមានព្រំប្រទល់ជាប់គ្នានឹង៣ខេត្ត  មានដូចជាខេត្តសៀមរាប ខេត្តបន្ទាយមានជ័យ ខេត្តព្រះវិហារ ហើយលើសពីនេះទៀត ខេត្តឧត្តរមានជ័យមានច្រកចំនួន៣បន្ថែមទៀត មានច្រកជប់គគីរ ច្រកអន្តរជាតិអូរស្មាច់ ច្រកអន្តរជាតិជាំសាងុាំ ឈមជាមួយខេត្ត បីខ្មែរ […]