ខេត្តឧត្តរមានជ័យ កាលពីព្រឹកថ្ងៃ២៥ទីខែមេសាឆ្នាំ២០២៤ម្សិលមិញនេះ មន្ទីរការងារនិងបណ្ដុះបណ្ដាលវិជ្ជាជីវៈខេត្តឧត្តរមានជ័យ បើកកិច្ចប្រជុំ អំពីផែនការអនុវត្តក្នុង ត្រីមាសទីមួយលើការផ្សព្វផ្សាយជ្រើសរើស ១.៥លាននាក់ដើម្បីចុះឈ្មោះ ចូលរៀនការបណ្ដុះបណ្ដាលជំនាញវិជ្ជាជីវៈនិងបច្ចេកទេសនៅក្នុងមជ្ឈមណ្ឌលបណ្តុះបណ្តាល វិជ្ជាជីវៈនិងផែនការ ត្រូវអនុវត្តបន្តនៅក្នុងត្រីមាសទី១ នៅក្នុង កិច្ចប្រជុំនេះផងដែរក៏មានការអញ្ជើញចូលរួមពីសំណាក់ លោកលោកស្រីប្រធានមន្ទីរ មកពីបណ្ដាអង្គភាពជុំវិញខេត្តជាច្រើននាក់ផងដែរ។ លោក.ហេង.គឹមស៊ុ្រន.នាយករងមជ្ឈមណ្ឌលបណ្តុះបណ្តាល ជំនាញវិជ្ជាជីវៈនិងបច្ចេកទេស ខេត្តឧត្តរមានជ័យបានលើកឡើងថា តាងនាមខ្ញុំបាទជានាយកមជ្ឈមណ្ឌលនិងបណ្ដុះបណ្ដាលវិជ្ជាជីវៈស្ថិតនៅក្នុងថ្ងៃនេះ ខ្ញុំសូមអនុញ្ញាតិធ្វើសេចក្ដីរាយការណ៍ ដោយសង្ខេបស្ដីពីការផ្សព្វផ្សាយជ្រើសរើសសិស្សដល់យុវជនមកពីគ្រួសារក្រីក្រនិងគ្រួសារ ងាយរងហានិភ័យឲ្យចុះឈ្មោះចូលរៀនដំណាក់កាលទីមួយនៅខែមករាឆ្នាំ២០២៤នៅក្នុងមជ្ឈមណ្ឌល មន្ទីរការងារនិងមជ្ឈមណ្ឌលបណ្តុះបណ្តាលវិជ្ជាជីវៈបានសហការគ្នាចុះទៅតាមបណ្ដាក្រុងស្រុកទាំង៥និងឃុំសង្កាត់ទាំង២៤ដោយបានបែងចែកជាក្រុមដោយមានការរៀបចំផ្ទាំងប៉ាណូចំនួនប្រាំនិងខិត្តប័ណ្ណ ដើម្បីឲ្យសិស្សបានមកចុះឈ្មោះសិក្សារៀនសូត្រយកចំណេះជំនាញទៅប្រកបមុខរបរផ្សេងៗ។ លោកនាយកមជ្ឈមណ្ឌលបានបញ្ជាក់បន្ថែមថា រយៈពេលចំនួនពីរសប្ដាហ៍កន្លងមកនេះដែលក្នុងនោះអ្នកដាក់ពាក្យបានចំនួនសរុប១១២នាក់ស្រី៤៣នាក់ដោយផ្ញើទៅក្រសួងចំនួនដប់ប្រាំបីនាក់ រៀននៅថ្ងៃទី១៥ខែមករាឆ្នាំ២០២៤អ្នកខ្លះជាសិស្សសាលា អ្នកខ្លះទៀតទាក់ទងមកឲ្យចូលរៀន គាត់មិនមករៀនសរុបចំនួនប្រាំនាក់សព្វថ្ងៃនេះសិស្សដែលកំពុងសិក្សាមានបីមុខជំនាញ មានចំនួន៥៩នាក់ស្រី ១២នាក់ ទី១ជួសជុលនិងថែទាំរថយន្តមានសិស្សសរុបចំនួន១៩នាក់ស្រីគ្មាន ទី២ជួសជុលបរិក្ខារត្រជាក់ចំនួន១៨នាក់ស្រីចំនួនពីរនាក់ ទី៣សេវាកម្មកុំព្យូទ័រមានសិស្សសរុប២២នាក់ស្រី១០នាក់ សរុបមកពីសិស្សដែលកំពុង រៀនមានចំនួ៥៩នាក់ស្រីមាន១២នាក់ហើយរយៈពេលរៀនមានបួនខែគឺគិតចាប់ពីថ្ងៃទី១០ខែឧសភាឆ្នាំ២០២៤ខាងមុខនេះ ទិសដៅអនុវត្តក្នុងឆ្នាំ ត្រីមាសទីពីរ ដែលគាត់មករៀនមានប័ណ្ណក្រីក្រ ប្រភេទ១.ឬក្រីក្រប្រភេទ.២.នឹងទទួលបានប្រាក់ឧបត្ថម្ភក្នុងមួយខែ២៨០០០០រៀល ដោយឡែកសិស្សដែលត្រូវប្រឡងជាប់ក្នុងខែឧសភាឆ្នាំ២០២៤នេះមានចំនួន៥៩នាក់នឹងត្រូវចុះឲ្យអនុវត្តផ្ទាល់ចំនួនពីរសប្ដាហ៍នៅតាមរោងជាងសហគ្រាស ឯកជនគឺសិស្សចំនួន ហាសិបប្រាំបួន អ្នកដែលរៀនឲ្យចប់ឲ្យចេះឲ្យមានការងារធ្វើចំពោះការ ចុះលទ្ធភាពនៅតាមក្រុមហ៊ុនឯកជនបើចង់ នៅធ្វើគេនឹងទទួលយកដោយគិតប្រាក់ ខែជូនតែម្តង។ ថ្លែងនៅក្នុងពិធីនេះដែរ ឯកឧត្ដម.ហួន.វ៉ានិត.អភិបាលរងខេត្តឧត្តរមានជ័យបាន ស្នើឲ្យអាជ្ញាធរក្រុងស្រុកទាំងប្រាំត្រូវ ធ្វើលិខិតអញ្ជើញចៅសង្កាត់មេឃុំទាំងអស់មកប្រជុំ ថ្នាក់ក្រុងស្រុកដើម្បីឲ្យពួកគាត់ជួយជំរុញផ្សព្វផ្សាយដល់គ្រួសារមានបណ្ណក្រីក្រមួយក្រីក្រពីរដើម្បីឲ្យកូនៗបាមមកចុះឈ្មោះចូលរៀនសូត្រទទួលបានប្រាក់ឧបត្ថម្ភ ពីម្ភៃប្រាំបីម៉ឺនរៀលក្នុងមួយខែពីរាជរដ្ធាភិបាល ដើម្បីក្រេបយកចំណេះជំនាញដែលបានខិតខំរៀនសូត្រនេះទៅ ធ្វើកិច្ចការងារអាជីវកម្មប្រចាំថ្ងៃ ជួយដល់ក្រុមគ្រួសារបានយ៉ាងល្អផងដែរ។
Day: April 26, 2024
ឯកឧត្តម ឧត្តមសេនីយ៍ឯក ងួន ស្រេង កិច្ចប្រជុំបើកសវនកម្មផ្ទៃក្នុង សម្រាប់ការិបរិច្ឆេទ២០២៣ និងបណ្តាឆ្នាំពាក់ព័ន្ធ
នាព្រឹកថ្ងៃព្រហស្បតិ៍ ទី២៥ ខែមេសា ឆ្នាំ២០២៤ ឯកឧត្តម ឧត្តមសេនីយ៍ឯក ងួន ស្រេង អគ្គនាយក នៃអគ្គនាយកដ្ឋានសវនកម្មផ្ទៃក្នុង និងឯកឧត្តម អ៊ុយ សុធាវី អភិបាលរង នៃគណៈអភិបាលខេត្តបាត់ដំបង បានដឹកនាំកិច្ចប្រជុំបើកសវនកម្មផ្ទៃក្នុង សម្រាប់ការិយបរិច្ឆេទ២០២៣ និងបណ្តាឆ្នាំពាក់ព័ន្ធ (ផ្នែករដ្ឋបាលស៊ីវិល ផ្នែកសន្តិសុខសាធារណៈ និងផ្នែកពន្ធនាគារ) ដោយមានការអញ្ជើញចូលរួមពី ឯកឧត្ដម អគ្គនាយករង នៃអគ្គនាយកដ្ឋានសវនកម្មផ្ទៃក្នុង ឯកឧត្តម លោកជំទាវ អភិបាលរងខេត្ត លោកឧត្តមសេនីយ៍ទោស្នងការនគរបាលខេត្ដ លោកប្រធានពន្ធនាគារខេត្ដ លោក លោកស្រីនាយករងរដ្ឋបាលសាលាខេត្ត លោកអភិបាលក្រុង ស្រុក លោកនាយករដ្ឋបាលសាលាក្រុង/ស្រុក លោក លោកស្រី នាយកទីចាត់ការ/អង្គភាពចំណុះសាលាខេត្ត លោកអធិការនគរបាលក្រុង/ស្រុក លោកនាយប៉ុស្ដិ៍នគរបាលច្រកទ្វារព្រំដែនអន្ដរជាតិ និងសហការី លោក លោកស្រីមេឃុំ ចៅសង្កាត់ និងនាយប៉ុស្ដិ៍នគរបាលរដ្ឋបាល ឃុំ សង្កាត់ ។ ឆ្លៀតក្នុងឱកាសនោះ ឯកឧត្តម អគ្គនាយក នៃអគ្គនាយកដ្ឋានសវនកម្មផ្ទៃ បានថ្លែងអំណរអរគុណយ៉ាងជ្រាលជ្រៅបំផុតចំពោះថ្នាក់ដឹកនាំគណៈអធិបតី និងអង្គពិធីទាំងមូល ដែលបានចំណាយពេលវេលាដ៏មានតម្លៃ […]
ឯកឧត្តម សូ មុនីរក្សា អញ្ជើញដឹកនាំកិច្ចប្រជុំពិនិត្យនិងពិភាក្សាលើសេចក្ដីព្រាងរបាយការណ៍សកម្មភាពនិងលទ្ធផលការងារប្រចាំខែមេសា និងទិសដៅការងារបន្តសម្រាប់ខែឧសភា ឆ្នាំ ២០២៤
នៅទីស្ដីការក្រសួង នារសៀលថ្ងៃសុក្រ ទី ២៦ ខែមេសា ឆ្នាំ ២០២៤ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន បានអញ្ជើញដឹកនាំកិច្ចប្រជុំពិនិត្យនិងពិភាក្សាលើសេចក្ដីព្រាងរបាយការណ៍សកម្មភាពនិងលទ្ធផលការងារប្រចាំខែមេសា និងទិសដៅការងារបន្តសម្រាប់ខែឧសភា ឆ្នាំ ២០២៤ របស់សាលាជាតិមូលដ្ឋានក្រសួងមហាផ្ទៃ ដោយមានការអញ្ជើញចូលរួមពីឯកឧត្តម លោកជំទាវ នាយករង លោក លោកស្រី ប្រធាន – អនុប្រធាននាយកដ្ឋាន ប្រធាន – អនុប្រធាន ការិយាល័យ លោក លោកស្រីដែលជាមន្ត្រីជំនាញពាក់ព័ន្ធនានា នៃសាលាជាតិរដ្ឋបាលមូលដ្ឋាន ក្រសួងមហាផ្ទៃផងដែរ និងមានការចូលរួមជាមតិយោបល់ លើកសំណួរពិភាក្សាពីអង្គប្រជុំ និងមានការបកស្រាយ កែសម្រួលពីនាយកដ្ឋានជំនាញនីមួយៗ ដើម្បីកែសម្រួលរបាយការណ៍ឱ្យកាន់តែល្អ និងគ្រប់ជ្រុងជ្រោយ។ ជាចុងក្រោយ ឯកឧត្តមនាយក បានផ្តល់អនុសាសន៍ណែនាំដល់នាយកដ្ឋានជំនាញនីមួយៗ ត្រូវណែនាំមន្ត្រីគោរពវេលាធ្វើការ ត្រូវបង្កើនសមត្ថភាពផ្ទាល់ខ្លួន និងត្រូវពង្រឹងប្រសិទ្ធភាពការងារប្រកបដោយការទទួលខុសត្រូវខ្ពស់។ សូមបញ្ជាក់ផងដែរថា សាលាជាតិរដ្ឋបាលមូលដ្ឋាន គឺជាអង្គភាពមួយចំណុះទីស្ដីការក្រសួងមហាផ្ទៃ ដែលមានតួនាទីជាសេនាធិការជូនរដ្ឋមន្ត្រីក្រសួងមហាផ្ទៃ លើការងារអភិវឌ្ឍន៍សមត្ថភាពសម្រាប់ក្រុមគោលដៅជាមន្ត្រីរាជការស៊ីវិលក្រសួងមហាផ្ទៃ លើធនធានមនុស្សនៅរដ្ឋបាលថ្នាក់ក្រោមជាតិ សិស្ស និស្សិត និងអ្នកពាក់ព័ន្ធនានា ព្រមទាំងការងារស្រាវជ្រាវនិងផ្សព្វផ្សាយអំពីអភិបាលកិច្ចនិងការអភិវឌ្ឍន៍មូលដ្ឋាន ៕