នាព្រឹកថ្ងៃព្រហស្បតិ៍ ទី២៥ ខែមេសា ឆ្នាំ២០២៤ ឯកឧត្តម ឧត្តមសេនីយ៍ឯក ងួន ស្រេង អគ្គនាយក នៃអគ្គនាយកដ្ឋានសវនកម្មផ្ទៃក្នុង និងឯកឧត្តម អ៊ុយ សុធាវី អភិបាលរង នៃគណៈអភិបាលខេត្តបាត់ដំបង បានដឹកនាំកិច្ចប្រជុំបើកសវនកម្មផ្ទៃក្នុង សម្រាប់ការិយបរិច្ឆេទ២០២៣ និងបណ្តាឆ្នាំពាក់ព័ន្ធ (ផ្នែករដ្ឋបាលស៊ីវិល ផ្នែកសន្តិសុខសាធារណៈ និងផ្នែកពន្ធនាគារ) ដោយមានការអញ្ជើញចូលរួមពី ឯកឧត្ដម អគ្គនាយករង នៃអគ្គនាយកដ្ឋានសវនកម្មផ្ទៃក្នុង ឯកឧត្តម លោកជំទាវ អភិបាលរងខេត្ត លោកឧត្តមសេនីយ៍ទោស្នងការនគរបាលខេត្ដ លោកប្រធានពន្ធនាគារខេត្ដ លោក លោកស្រីនាយករងរដ្ឋបាលសាលាខេត្ត លោកអភិបាលក្រុង ស្រុក លោកនាយករដ្ឋបាលសាលាក្រុង/ស្រុក លោក លោកស្រី នាយកទីចាត់ការ/អង្គភាពចំណុះសាលាខេត្ត លោកអធិការនគរបាលក្រុង/ស្រុក លោកនាយប៉ុស្ដិ៍នគរបាលច្រកទ្វារព្រំដែនអន្ដរជាតិ និងសហការី លោក លោកស្រីមេឃុំ ចៅសង្កាត់ និងនាយប៉ុស្ដិ៍នគរបាលរដ្ឋបាល ឃុំ សង្កាត់ ។ ឆ្លៀតក្នុងឱកាសនោះ ឯកឧត្តម អគ្គនាយក នៃអគ្គនាយកដ្ឋានសវនកម្មផ្ទៃ បានថ្លែងអំណរអរគុណយ៉ាងជ្រាលជ្រៅបំផុតចំពោះថ្នាក់ដឹកនាំគណៈអធិបតី និងអង្គពិធីទាំងមូល ដែលបានចំណាយពេលវេលាដ៏មានតម្លៃ […]
Month: April 2024
ឯកឧត្តម សូ មុនីរក្សា អញ្ជើញដឹកនាំកិច្ចប្រជុំពិនិត្យនិងពិភាក្សាលើសេចក្ដីព្រាងរបាយការណ៍សកម្មភាពនិងលទ្ធផលការងារប្រចាំខែមេសា និងទិសដៅការងារបន្តសម្រាប់ខែឧសភា ឆ្នាំ ២០២៤
នៅទីស្ដីការក្រសួង នារសៀលថ្ងៃសុក្រ ទី ២៦ ខែមេសា ឆ្នាំ ២០២៤ ឯកឧត្តម សូ មុនីរក្សា នាយកសាលាជាតិរដ្ឋបាលមូលដ្ឋាន បានអញ្ជើញដឹកនាំកិច្ចប្រជុំពិនិត្យនិងពិភាក្សាលើសេចក្ដីព្រាងរបាយការណ៍សកម្មភាពនិងលទ្ធផលការងារប្រចាំខែមេសា និងទិសដៅការងារបន្តសម្រាប់ខែឧសភា ឆ្នាំ ២០២៤ របស់សាលាជាតិមូលដ្ឋានក្រសួងមហាផ្ទៃ ដោយមានការអញ្ជើញចូលរួមពីឯកឧត្តម លោកជំទាវ នាយករង លោក លោកស្រី ប្រធាន – អនុប្រធាននាយកដ្ឋាន ប្រធាន – អនុប្រធាន ការិយាល័យ លោក លោកស្រីដែលជាមន្ត្រីជំនាញពាក់ព័ន្ធនានា នៃសាលាជាតិរដ្ឋបាលមូលដ្ឋាន ក្រសួងមហាផ្ទៃផងដែរ និងមានការចូលរួមជាមតិយោបល់ លើកសំណួរពិភាក្សាពីអង្គប្រជុំ និងមានការបកស្រាយ កែសម្រួលពីនាយកដ្ឋានជំនាញនីមួយៗ ដើម្បីកែសម្រួលរបាយការណ៍ឱ្យកាន់តែល្អ និងគ្រប់ជ្រុងជ្រោយ។ ជាចុងក្រោយ ឯកឧត្តមនាយក បានផ្តល់អនុសាសន៍ណែនាំដល់នាយកដ្ឋានជំនាញនីមួយៗ ត្រូវណែនាំមន្ត្រីគោរពវេលាធ្វើការ ត្រូវបង្កើនសមត្ថភាពផ្ទាល់ខ្លួន និងត្រូវពង្រឹងប្រសិទ្ធភាពការងារប្រកបដោយការទទួលខុសត្រូវខ្ពស់។ សូមបញ្ជាក់ផងដែរថា សាលាជាតិរដ្ឋបាលមូលដ្ឋាន គឺជាអង្គភាពមួយចំណុះទីស្ដីការក្រសួងមហាផ្ទៃ ដែលមានតួនាទីជាសេនាធិការជូនរដ្ឋមន្ត្រីក្រសួងមហាផ្ទៃ លើការងារអភិវឌ្ឍន៍សមត្ថភាពសម្រាប់ក្រុមគោលដៅជាមន្ត្រីរាជការស៊ីវិលក្រសួងមហាផ្ទៃ លើធនធានមនុស្សនៅរដ្ឋបាលថ្នាក់ក្រោមជាតិ សិស្ស និស្សិត និងអ្នកពាក់ព័ន្ធនានា ព្រមទាំងការងារស្រាវជ្រាវនិងផ្សព្វផ្សាយអំពីអភិបាលកិច្ចនិងការអភិវឌ្ឍន៍មូលដ្ឋាន ៕
វិស័យរៀបចំដែនដី នគរូបនីយកម្ម និងសំណង់ គឺជាបំណែកចាំបាច់របស់រដ្ឋបាលឯកភាពរបស់រាជធានី ខេត្ត ក្រុង ស្រុក ខណ្ឌ
“វិស័យរៀបចំដែនដី នគរូបនីយកម្ម និងសំណង់ គឺជាបំណែកចាំបាច់របស់រដ្ឋបាលឯកភាពរបស់រាជធានី ខេត្ត ក្រុង ស្រុក ខណ្ឌ”នេះប្រសាសន៍ឯកឧត្តមឧបនាយករដ្ឋមន្ត្រី សាយ សំអាល់ ក្នុងកិច្ចប្រជុំពិភាក្សាលើការងារចុះបញ្ជីដីបង្ហើយ ក្នុងភូមិសាស្ត្រខេត្តព្រៃវែង នារសៀលថ្ងៃទី២៤ ខែមេសា ឆ្នាំ២០២៤។#កអក #ក្រសួងរៀបចំដែនដីនគរូបនីយកម្មនិងសំណង់
មន្ទីរពេទ្យបង្អែកខេត្តឧត្តរមានជ័យទទួលបានរថយន្តសង្គ្រោះបន្ទាន់១គ្រឿងបន្ថែមទៀតដែលជាអំណោយដ៏ថ្លៃថ្លារបស់សម្តេចក្រឡាហោមសខេងនិងលោកជំទាវ
(ឧត្តរមានជ័យ)រថយន្តសង្គ្រោះបន្ទាន់១គ្រឿង ដ៏ថ្មីស្រឡាង ដែលជាអំណោយរបស់សម្តេចក្រឡាហោមសខេង បានផ្តល់ជូនទៅឲ្យមន្ទីរពេទ្យបង្អែកខេត្តឧត្តរមានជ័យ ដើម្បីបំរើផលប្រយោជន៏ជាសាធារណ:ដល់បងប្អូនប្រជាពលរដ្ឋទូទៅក្នុងការដឹកអ្នកជំងឺដង្កាត់ផ្សេង ៗនៅតាមមូលដ្ធាន ភូមិឃុំ ក្រុងស្រុក នឹងនៅសហគមន៏ជាដើម។ ជាក់ស្តែងនៅថ្ងៃទី ២៣ ខែមេសា ឆ្នាំ២០២៤ ម្សិលមិញនេះ លោក វេជ្ជ:បណ្ឌិត ឃ្លោក ហួត ប្រធានមន្ទីរសុខាភិបាលខេត្តឧត្តរមានជ័យ បានទទួលរថយន្តសង្រ្គោះបន្ទាន់មួយគ្រឿងបំពាក់ដោយសម្ភារ:បរិក្ខាវិជ្ជសាស្រ្តទំនើបដែលជាអំណោយដ៍ថ្លៃថ្លារបស់សម្តេចក្រឡាហោម ស ខេង និងលោកជំទាវ ហើយនៅនោះត្រូវបានរដ្ឋបាលខេត្តឧត្តរមានជ័យធ្វើការប្រគល់ជូនដល់មន្ទីរពេទ្យបង្អែកខេត្តដើម្បីជាប្រយោជន៌សម្រាប់បម្រើការប្រើប្រាស់របស់មន្ទីរពេទ្យបង្អែកខេត្តឧត្តរមានជ័យក្នុងការដឹកជញ្ជូនសង្រ្គោះអ្នកជំងឺទូទៅក្នុងមូលដ្ខានប្រកបដោយសុវត្ថិភាពនៅពេលមានបញ្ហាកើតឡើងមិនថាយប់រឺថ្ងៃ។ គួររំលឹកថា ក្នុងការប្រគល់រថយន្តសង្គ្រោះបន្ទាន់១គ្រឿងដែលជាអំណោយរបស់សម្តេចក្រឡាហោមសខេងកាលពីថ្ងៃទី២៣ខែមេសាឆ្នាំ២០២៤ម្សិលមិញនេះ ឯកឧត្តម ប៉ែនកុសល្យ អភិបាលខេត្តឧត្តរមានជ័យ ក៏បានក្រើនរំលឹកទៅដល់លោកប្រធានមន្ទីរពេទ្យបង្អែកខេត្តដោយបានបញ្ជាក់បន្ថែមថា ក្នុងនាមរដ្ធបាលខេត្ត សូមឲ្យបុគ្គលិកអ្នកបើកបរឡានពេទ្យ ត្រូវចូលរួមជួយថែរក្សា រថយន្តនេះដើម្បីប្រើប្រាស់បានយូរអង្វែងស្របតាមលក្ខណ:ស្តង់ដារបទដ្ធានកិត្តិយុទ្ធ មួយវិញទៀតនៅពេលទៅដឹកអ្នកជំងឺនៅតាមដងផ្លូវ រឺនៅតាមខ្នងផ្ទះ ក្នុងភូមិឃុំ បើកបរត្រូវតែមានប្រុងប្រយ័ត្នខ្ពស់ជាប់ជាប្រចាំផងដែរ។
ឃាត់ខ្លួនជនសង្ស័យចំនួន០៣នាក់ ពាក់ព័ន្ធនឹងករណីលួចយកម៉ូតូ នៅខណ្ឌពោធិ៍សែនជ័យ
នៅថ្ងៃទី២៤ ខែមេសា ឆ្នាំ ២០២៤ ស្ថិតនៅភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ កម្លាំងនៃអធិការដ្ឋាននគរបាលខណ្ឌពោធិ៍សែនជ័យ ដឹកនាំដោយលោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ ឃាត់ខ្លួនជនសង្ស័យចំនួន០៣នាក់ ពាក់ព័ន្ធនឹងករណីលួចយកម៉ូតូ។ វត្ថុតាំងដកហូតរួមមាន ៖ ដែកអក្សរតេ សម្រាប់ឆ្គិះសោរម៉ូតូ ចំនួន១គ្រឿង, លួសសំរាប់គាស់សោរ ចំនួន០១ និងសម្ភារមួយចំនួនទៀត។ បច្ចុប្បន្នជនសង្ស័យ សមត្ថកិច្ចកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
សាមគ្គីភាព និងឯកភាពផ្ទៃក្នុង ជាកត្តាសំខាន់បំផុត ក្នុងការដឹកនាំស្ថាប័ន និងអនុវត្តគោលនយោបាយរបស់រាជរដ្ឋាភិបាល
នៅក្នុងរាជរដ្ឋាភិបាលអាណត្តិទី៧នេះ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវគោលនយោបាយអាទិភាពគន្លឹះ ចំនួន ៣ រួមមាន៖ ការចុះបញ្ជីដីធ្លីបង្ហើយ បរិយាកាសគ្មានវិវាទ និងសេវាគាប់ចិត្ត។ ក្នុងនោះ ដើម្បីធ្វើឱ្យសម្រេចបាននូវគោលដៅនៃការចុះបញ្ជីដីធ្លីបង្ហើយនៅកម្ពុជា ហើយឆ្ពោះទៅសម្រេចគោលនយោបាយអាទិភាពផ្សេងទៀត ការសាមគ្គីភាព និងឯកភាពផ្ទៃក្នុង គឺជាកត្តាសំខាន់បំផុត ដែលត្រូវអនុវត្ត។ បន្ថែមពីនេះ រដ្ឋបាលទំនើប ក៏ជារឿងចាំបាច់ដែលត្រូវធ្វើការអភិវឌ្ឍ ដោយផ្តោតសំខាន់លេីការកសាងសមត្ថភាពមន្ត្រី ការពង្រឹងសមត្ថភាពស្ថាប័ន និងយន្តការលើកទឹកចិត្តដល់មន្រ្តីជំនាញ ដេីម្បីជំរុញសាមគ្គីឯកភាពផ្ទៃក្នុងផងដែរ។ ប្រសាសន៍ ឯកឧត្តមឧបនាយករដ្ឋមន្រ្តី សាយ សំអាល់ ក្នុងកិច្ចប្រជុំពិភាក្សាជំរុញការចុះបញ្ជីដីធ្លី នៅខេត្តបន្ទាយមានជ័យ នារសៀលថ្ងៃអាទិត្យ ទី២១ ខែមេសា ឆ្នាំ២០២៤៕#កអក #ក្រសួងរៀបចំដែនដីនគរូបនីយកម្មនិងសំណង់ #MLMUPC
ពិធីបិទវគ្គបណ្តុះបណ្តាលស្តីពី ភាពជាអ្នកដឹកនាំសម្រាប់ស្រ្តី “សិល្បៈនៃការប្រាស្រ័យទាក់ទងសម្រាប់ភាពជាអ្នកដឹកប្រកបដោយឥទ្ធិពល”
ខេត្តកណ្តាល៖រសៀលថ្ងៃទី២៣ ខែមេសា ឆ្នាំ២០២៤ ឯកឧត្តម តាំង ម៉េងលាន អភិបាលរងខេត្តកណ្តាល បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពី “ភាពជាអ្នកដឹកនាំសម្រាប់ស្រ្តី “សិល្បៈនៃការប្រាស្រ័យទាក់ទងសម្រាប់ភាពជាអ្នកដឹកប្រកបដោយឥទ្ធិពល” នៅសាលាខេត្តកណ្តាល ដោយមានការចូលរួមពីសំណាក់ឯកឧត្តម លោកជំទាវ ជាថ្នាក់ដឹកនាំខេត្ត មន្ទីរកិច្ចការនារី និងលោក លោកស្រី ដែលជាសមាជិក សមាជិកា ចូលរួមសរុបប្រមាណ១៦៥រូប ក្នុងនោះសិក្ខាកាមសរុបចំនួន១២៥រូប។ ឯកឧត្តម តាំង ម៉េងលាន អភិបាលរងខេត្តបានមានប្រសាសន៍ថា៖វគ្គបណ្តុះបណ្តាល ភាពជាអ្នកដឹកនាំរបស់ស្ត្រី ដោយផ្តោតលើ “សិល្បៈនៃការប្រាស្រ័យទាក់ ទងសម្រាប់ភាពជាអ្នកដឹកនាំប្រកបដោយឥទ្ធិពល” ដែលរដ្ឋបាលខេត្ត រៀបចំដោយ គ.ក.ស.ក ខេត្ត ក្រោមកិច្ចសហការជាមួយក្រសួងកិច្ចការនារី បានដំណើរការអស់រយៈពេល ០២ថ្ងៃមកនេះពិតជាមានសារៈសំខាន់ណាស់សម្រាប់មន្ត្រីរាជការជាស្ត្រី ដែលមានតួនាទី ដឹកនាំ គ្រប់គ្រង នៅរដ្ឋបាល សាលាខេត្ត មន្ទីរអង្គភាពជុំវិញខេត្ត និងរដ្ឋបាលក្រុង/ស្រុក សិក្ខាកាមពិតជាទទួលបានទាំងទ្រឹស្តី រួមទាំងការអនុវត្តសាកល្បងជាក់ស្តែង របស់ខ្លួន។ ដែលជាទុនដ៏ពិសេសសម្រាប់យកទៅប្រតិបត្តិក្នុងការងារពីមុនយើងកត់សម្គាល់ឃើញថា ស្ត្រីមិនសូវមានភាពក្លាហានក្នុងការចូលរួមបញ្ចេញមតិ យោបល់នៅក្នុងអង្គប្រជុំ ឬនៅទីសាធារណៈ ហើយចំនួនស្ត្រីក្នុងថ្នាក់ធ្វើសេចក្តីសម្រេចនៅតាមស្ថាប័ន មន្ទីរ អង្គភាព គ្រប់ថ្នាក់ ក៏នៅមិនទាន់ឆ្លើយតបតាមចំណុចដៅ។ផ្តើមចេញពីបញ្ហានេះហើយ […]
ឯកឧត្តម នេត្រ ភក្ត្រា ជំរុញចលនាការអនុវត្តនូវគោលនយោបាយភូមិ ឃុំ សង្កាត់មានសុវត្ថិភាព ដើម្បីចូលរួមលុបបាត់បញ្ហាគ្រឿងញៀនឱ្យកាន់តែមានប្រសិទ្ធភាព
ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ជំរុញឱ្យអាជ្ញាធរមូលដ្ឋានបន្តចលនាការអនុវត្តនូវគោលនយោបាយភូមិ ឃុំ សង្កាត់មានសុវត្ថិភាព ដើម្បីចូលរួមលុបបាត់បញ្ហាគ្រឿងញៀនឱ្យកាន់តែមានប្រសិទ្ធភាព ខណៈដែលនេះជាចំណុចសំខាន់ ដែលពាក់ព័ន្ធនឹងជំនឿទុកចិត្តរបស់ប្រជាពលរដ្ឋលើអាជ្ញាធរមូលដ្ឋាន។ ក្នុងពិធីសម្ពោធដាក់ឱ្យដំណើរការនូវកម្មវិធីទូរស័ព្ទ APP Nodrugs របស់អាជ្ញាធរជាតិប្រយុទ្ធប្រឆាំងគ្រឿងញៀន នៅព្រឹកថ្ងៃទី២៣ ខែមេសា ឆ្នាំ២០២៤ នាសាលាប៊ែលធី ផ្លូវជាតិលេខ៣ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានមានប្រសាសន៍ថា បញ្ហាគ្រឿងញៀនគឺជាបញ្ហាសកល ហើយរហូតមកដល់ពេលនេះនៅតែមានភាពស្មុគស្មាញ និងពុំមានសញ្ញានៃការថមថយចុះឡើយ ខណៈដែលជាក់ស្តែងក្នុងកិច្ចប្រតិបត្តិការរបស់កម្លាំងសមត្ថកិច្ចអនុវត្តន៍ច្បាប់ បានបង្ហាញឱ្យឃើញថា ទាំងបទល្មើស បរិមាណគ្រឿងញៀននិងសារធាតុគីមីផ្សំ ដែលបង្រ្កាបនិងរឹបអូសបាន នៅតែបន្តស្ថិតនៅក្នុងស្ថានភាពមួយដែលគួរឱ្យព្រួយបារម្ភ។ ឯកឧត្តម រដ្ឋមន្ត្រីក្រសួងព័ត៌មាន បានបន្តថា ការប្រើប្រាស់គ្រឿងញៀននៅក្នុងចំណោមប្រជាពលរដ្ឋទូទៅ ក៏នៅតែបន្តកើតមាន ហើយមានការរីករាលដាលពីតំបន់ទីប្រជុំជនទៅកាន់តំបន់ជនបទមួយចំនួន ព្រមទាំងបានបង្កបញ្ហាយ៉ាងច្រើននិងធ្ងន់ធ្ងរ ដល់សុខភាព ជីវភាពរស់នៅនិងគ្រួសារ ប៉ះពាល់ដល់សន្តិសុខ សណ្តាប់ធ្នាប់សាធារណៈនិងការអភិវឌ្ឍសង្គមថែមទៀតផង។ ឯកឧត្តម រដ្ឋមន្ត្រីក្រសួងព័ត៌មាន បានបន្ថែមទៀតថា ដើម្បីចូលរួមទប់ស្កាត់បញ្ហាគ្រឿងញៀននេះ អាជ្ញាធរមូលដ្ឋាន ត្រូវជំរុញការអនុវត្តគោលនយោបាយភូមិ ឃុំ សង្កាត់ មានសុវត្ថិភាព ឱ្យមានប្រសិទ្ធភាព រួមចំណែកក្នុងការអភិវឌ្ឍសង្គមជាតិ។ […]
កម្លាំងអាវុធហត្ថសហការជាមួយជំនាញមេព្រៃចុះត្រួតពិនិត្យដកហូត និងបង្ក្រាបទីតាំងស្តុកឈើលួចដាក់ម៉ាសុីនរ៉ៃជ្រៀកឈើដោយគ្មានលិខិតអនុញាតិត្រឹមត្រូវនៅស្រុកអន្លង់វែង
(ឧត្តរមានជ័យ) ទីតាំងស្តុកឈើដាក់ដាក់ម៉ាស៊ីនរ៉ៃជ្រៀកឈើមួយកន្លែងដោយគ្មានលិខិតអនុញ្ញាតត្រឹមត្រូវ ស្ថិតនៅត្រង់ភូមិអភិវឌ្ឍន៍ ឃុំអន្លង់វែង ស្រុកអន្លង់វែងខេត្តឧត្តរមានជ័យត្រូវបានកម្លាំងអាវុធហត្ថសហការជាមួយជំនាញមេព្រៃចុះធ្វើការត្រួតពិនិត្យជាក់ស្តែង និងដកហូតសម្ភារៈ ម៉ាសុីនរ៉ៃប្រភេទ ឈើ ចំរុះជាច្រើនដុំ បញ្ជូនទៅកាន់សាលាដំបូងខេត្តអនុវត្តតាមនីតិវិធីនៅរសៀលថ្ងៃទី២២ខែមេសាឆ្នាំ២០២៤នេះតែម្តង។ ប្រភពពីលោកស៊ុំសុីថា នាយផ្នែករដ្ធបាលព្រៃឈើស្រុកអន្លង់វែង បានបញ្ជាក់ឲ្យដឹងនៅវេលាម៉ោង៦និង៤០នាទីថ្ងៃទី២២ខែមេសាឆ្នាំ២០២៤ថា ចំពោះទីតាំង ស្តុកឈើ និងមានដាក់ម៉ាសុីនជ្រៀកឈើ ស្ថិតនៅភូមិឃុំខាងលើដែលមានម្ចាស់ឈ្មោះគូដា ដែលគេស្គាល់ជាមន្ត្រីយោធាបំរើការងារនៅកងពលតូចថ្មើរជើងលេខ៤១ ហើយជាក់ស្ដែងទីតាំងខាងលើនេះពុំមានច្បាប់អនុញ្ញាតិ ពិតប្រាកដមែនព្រមទាំងស្តុកឈើចំរុះជាច្រើនដុំថែមទៀត។ លោកនាយផ្នែករដ្ធបាលព្រៃឈើស្រុកអន្លង់វែងបានអះអាងបន្តថា បន្ទាប់ពីទទួលពត៌មានរាយការណ៏ពី អ្នកយកសារពត៌មានមកថា មានការលួចដាក់ម៉ាសុីនរ៉ៃជ្រៀកឈើអត់ច្បាប់រួចមកភ្លាមៗនោះ លោកសហការជាមួយកម្លាំងកងរាជអាវុធហត្ថ ចុះធ្វើការត្រួតពិនិត្យ និងដកហូតឈើចំរុះជាច្រើនដុំនិងម៉ាសុីនរ៉ៃជ្រៀកឈើនោះតែម្តង ដោយឡែកឈើដែលដកហូតបាននោះមន្ត្រីជំនាញពុំទាន់ធ្វើការវាស់វែងនៅឡើយទេ គ្រាន់តែដឹងថា មានឈើប្រភេទដូចជា សុក្រម ផ្ចឹក ជាដើម ទាល់តែនៅព្រឹកស្អែកថ្ងៃទី២៣ខែមេសាឆ្នាំ២០២៤នេះ បានក្រុមការងារ ធ្វើការវាស់វែងឲ្យដឹងចំនួនពិតប្រាកដ។ គួររំលឹកថា បន្ទាប់ពីសមត្ថកិច្ចជំនាញមេព្រៃនិងកម្លាំងអាវុធហត្ថចុះពិនិត្យ ទីតាំងស្ថិតនៅភូមិឃុំខាងលើក៏ឃើញថាការដាក់ម៉ាសុីនជ្រៀកឈើពិតជាគ្មានលិខិតអនុញ្ញាតត្រឹមត្រូវនិងស្តុកឈើ ដោយខុសច្បាប់ ខណៈនោះដោយមានការ សម្របសម្រួលនីតិវិធីពីព្រះរាជអាជ្ញា កម្លាំងអាវុធហត្ថនិងមេព្រៃធ្វើការដកហូត យកមករក្សាទុក ឈើចំរុះជាច្រើនដុំផងដែរ។ សូមជម្រាបថា បច្ចុប្បន្នម្ចាស់សិប្បកម្មខាងលើត្រូវបានឃាត់ខ្លួនជាបណ្តោះអាសន្នដោយឡែក ឈើចំរុះជាច្រើនដុំព្រមទាំងម៉ាសុីនរ៉ៃជ្រៀកឈើ ប្រភេទខ្នាតយក្សត្រូវបានកម្លាំងអាវុធហត្ថនិងជំនាញមេព្រៃដកហូតយកមករក្សាទុកដើម្បីកសាងសំណុំរឿងបញ្ជូនទៅ សាលាដំបូងខេត្តឧត្តរមានជ័យបង់ផាកពិន័យអន្តរកាលទៅតាមផ្លូវច្បាប់ដោយគ្មានការលើកលែងឡើយ។ឈឹម.កុសល។
ខ្យល់កន្ត្រាក់វាយប្រហារលំនៅដ្ឋានប្រជាពលរដ្ឋជិត៣០ខ្នងនៅស្រុកសំពៅលូន
(បាត់ដំបង) កាលពីវេលាម៉ោង ១៦និង៥០នាទី ត្រូវនឹងថ្ងៃទី២២ ខែមេសា ឆ្នាំ២០២៤ នៅក្នុងភូមិសាស្ត្រស្រុកសំពៅលូន ខេត្តបាត់ដំបង មានភ្លៀងធ្លាក់ មួយមេលាយឡំជាមួយខ្យល់កន្ត្រាក់ បានវាយបក់បោកធ្វើអោយខូចខាត ទ្រព្យសម្បត្តិផ្ទះសម្បែងប្រជាពលរដ្ឋលើឃុំចំនួន០២។ យោងតាមរបាយការណ៍ពីសមត្ថកិច្ចបានអោយដឹងថា ក្នុងចំណោមឃុំចំនួន២ដែលរងផលប៉ះពាល់ដោយខ្យល់កន្ត្រាក់ក្នុងនោះមានឃុំតាស្ដា និងឃុំសន្តិភាព ដែលក្នុងនោះធ្វើអោយខូចខាតលំនៅដ្ឋានសរុបចំនួន២៨ខ្នងផ្ទះ និងសើមទទឹកខូចសម្ភារៈប្រើប្រាស់នៅក្នុងផ្ទះមួយចំនួនផងដែរ។ ក្នុងចំណោមលំនៅដ្ឋានដែលរងគ្រោះដោយខ្យល់កន្ត្រាក់ទាំង២៨ខ្នងផ្ទះ ក្នុងនោះមានឃុំតាស្ដាខូចខាតអស់ចំនួន ១២ខ្នងផ្ទះ ដែលសាងសង់អំពីឈើ ដំបូលប្រក់ស័ង្កសីនិងខូចខាតសម្ភារៈដែលនៅក្នុងផ្ទះសើមទទឹកខូចមួយចំនួន និងឃុំសន្តិភាពខូចខាតអស់ចំនួន ១៦ខ្នងផ្ទះ ដែលសាងសង់អំពីឈើ ដំបូលប្រក់ស័ង្កសី និងខូចខាតសម្ភារៈដែលនៅក្នុងផ្ទះសើមទទឹកខូចមួយចំនួន៕